نيەت بىلدىرگەن ازاماتتارعا بوس جۇمىس ورىندارى ۇسىنىلدى.
الماتى قالاسى ناۋرىزباي اۋدانى پروكۋراتۋراسىنىڭ باستاماسىمەن اۋداندىق پروباسيا قىزمەتىنىڭ ەسەبىندە تۇرعان سوتتالعاندار اراسىندا پروفيلاكتيكالىق جۇمىس جۇرگىزۋ ماقساتىندا ناۋرىزباي اۋدانىنىڭ مادەنيەت ءۇي̆ىندە مامىردىڭ 11 كۇنى پروباسيا قىزمەتى بولىمىمەن ناۋرىزباي اۋدانىندا سوتتالعانداردى جۇمىسپەن قامتۋ ماسەلەسى بوي̆ىنشا كەڭەس ءوتتى، دەپ حابارلايدى Almaty-akshamy.kz.
وتىرىسقا ناۋرىزباي اۋدانى پروكۋراتۋراسىنىڭ ءبولىم باستىعى قارىمساقوۆ ءا.،ناۋرىزباي اۋداندىق پروباسيا قىزمەتى ءبولىمىنىڭ باسشىسى ناكىپبەكوۆ ا.م.، ناۋرىزباي اۋداندىق جۇمىسپەن قامتۋ ورتالىعىنىڭ جانە جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى قاتىستى.
بۇل رەتتە ءاربىر جۇمىسسىز سوتتالعانمەن اڭگىمە جۇرگىزىلىپ، الەۋمەتتىك كومەككە قاتىستى ماسەلەلەر تالقىلانىپ، سۇراقتارىنا جاۋاپتار بەرىلدى.
جۇمىسپەن قامتۋدىڭ جانە جاپپاي̆ كاسىپكەرلىكتى دامىتۋدىڭ مەملەكەتتىك ەڭبەك باعدارلاماسىن جۇزەگە اسىرۋ ماقساتىندا سوتتالعاندارعا ءتۇرلى بوس جۇمىس ورىندارى (30-عا جۋىق جۇمىس ورنى) ۇسىنىلدى.
كەزدەسۋ ناتيجەسىندە تىركەۋدە تۇرعان تۇلعالار جۇمىسقا ورنالاسۋعا تىلەك ءبىلدىردى.