ىندەتكە قارسى ۆاكسينا الۋ جۇمىستارى باس بوستاندىعىنان ايىرۋ ورىندارىندا دا جۇيەلى تۇردە جۇرگىزىلىپ كەلەدى.
وسى ورايدا جۋىردا الماتى قالاسىنداعى بالالار كولونياسىندا 18 جاسقا تولعان، مەكەمەگە جاڭادان كەلگەن سوتتالعاندار بالالارعا ەكپە سالىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اتالعان جۇمىستى جۇزەگە اسىرعان الماتى قالاسىنىڭ №5 اۋرۋحاناسىنىڭ مەديسينا قىزمەتكەرلەرى جاسوسپىرىمدەرگە ۆاكسينادان كەيىن قانداي رەاكسيا بولۋى مۇمكىن، سول كەزدە ءوزىڭدى قالاي ۇستاۋ كەرەكتىگىن ءتۇسىندىردى.
سونىمەن قاتار، كامەلەتتىك جاسقا تولماعان بالالارعا دا كورونوۆيرۋستىق ينفەكسيادان ساقتانۋ مەن ۆاكسينا الۋدىڭ ماڭىزى تۋرالى كەڭەس بەرىلدى. بالالار كولونياسىندا ەكپە سالۋدىڭ ەكىنشى كەزەڭى دە تالاپقا ساي جۇزەگە اسىرىلدى.