الماتى قالاسى بويىنشا قاج دەپارتامەنتىنىڭ №11 مەكەمەسىندەگى جازاسىن وتەۋشى جاسوسپىرىمدەر مەن الماتى قالاسىنداعى كوللەدج ستۋدەنتتەرى اراسىندا شاعىن فۋتبولدان جولداستىق كەزدەسۋ ۇيىمداستىرىلدى.
جارىسقا الماتى تەحنولوگيا جانە فلوريستيكا كوللەدجىنىڭ "اكتيف" كومانداسى، الماتى ءسان جانە ديزاين كوللەدجىنىڭ "اكميس" كومانداسى، لوگيستيكا جانە كولىك كوللەدجىنىڭ "ALT" كومانداسى، سونداي-اق سوتتالعان بالالاردان قۇرالعان "جاستار" كومانداسى قاتىستى، دەپ حابارلايدى aqshamnews.kz Polisia.kz-كە سىلتەمە جاساپ.
شاعىن فۋتبول جارىسىندا "ALT" كومانداسى ءبىرىنشى ورىندى يەلەنسە، ەكىنشى ورىنعا جازالى جاسوسپىرىمدەردەن قۇرالعان "جاستار" كومانداسى لايىقتى بولدى. جارىس اياقتالعان سوڭ مەكەمە باستىعى ا. سۇلەيمەنوۆ بارلىق كوماندالارعا سوتتالعان بالالاردىڭ قوعامدا ءوز ورىندارىن تابۋلارىنا جىگەرلەندىرەتىن ويىن ورنەگىن كورسەتكەندەرى ءۇشىن العىس حاتتار تابىستاپ، جارىستىڭ تاربيەلىك ءمانى تۋرالى ءسوز قوزعادى. ول بۇل جارىستىڭ باستى ماقساتى فۋتبول الەمدەگى ەڭ تانىمال توپتىق ويىن رەتىندە بالالاردى ۇيىمشىلدىققا ۇيرەتە وتىرىپ، سالاۋاتتى ءومىر سالتىن ناسيحاتتاۋ ەكەنىن اتاپ ءوتتى.