الماتىدا سوت شەشىمىمەن زاڭسىز نىسان ءسۇرىلدى

الماتىدا سوت شەشىمى بويىنشا زاڭسىز سالىنعان كولىك جۋۋ نىسانى ءسۇرىلدى، دەپ حابارلايدى Almaty-akshamy.kz

قالا قۇرىلىسىن باقىلاۋ باسقارماسىنىڭ دەرەگىنشە، شۇعىلا شاعىن اۋدانىنداعى جاقسىبايەۆ كوشەسى، 5 مەكەنجايىنداعى عيمارات رۇقسات قۇجاتتارىنسىز سالىنعان. 

باسقارما مەنشىك يەسىنە قاتىستى جوسپاردان تىس تەكسەرۋ جۇرگىزىپ، كولىك جۋۋ قىزمەتىن كورسەتكەن نىسان تەحنيكالىق جانە اۆتورلىق قاداعالاۋسىز، بەلگىلەنگەن تارتىپپەن ساراپتامادان وتپەگەن جوبالاۋ-سمەتالىق قۇجاتتاماسىز، شارۋاشىلىق تاسىلمەن سالىنعانىن انىقتادى. بۇعان قوسا، نىسان پايدالانۋعا بەرۋ اكتىسىنسىز پايدالانىلدى.

07.07.2022 ج. مەنشىك يەسىنە قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 316-بابىنىڭ 1، 321، 323-بولىگى بويىنشا اكىمشىلىك شارالار قابىلداندى جانە انىقتالعان بۇزۋشىلىقتاردى جويۋ تۋرالى نۇسقاما بەرىلدى.

17.09.2022 جىلى باسقارما الماتى قالاسى ناۋرىزباي اۋداندىق سوتىنا زاڭسىز سالىنىپ جاتقان نىساندى بۇزۋ تۋرالى تالاپ ارىز جولدادى.

11.01.2023 جىلى الماتى قالاسى ناۋرىزباي اۋداندىق سوتىنىڭ شەشىمىمەن تالاپ ارىز قاناعاتتاندىرىلدى، الايدا مەنشىك يەسى اپەللياسيالىق شاعىم ءتۇسىردى. 

12.04.2023 جىلى قالالىق سوتتىڭ قاۋلىسىمەن ءبىرىنشى ساتىداعى سوتتىڭ شەشىمى وزگەرىسسىز قالدىرىلدى. جاقىندا سوت شەشىمىن ورىنداۋ ءۇشىن زاڭسىز نىسان ءماجبۇرلى تۇردە بۇزىلدى.