الماتىنىڭ ورتالىعىنداعى "چاچاپۋري" مەيرامحاناسىنىڭ جازعى تەرراساسى زاڭسىز تۇرعىزىلعان.
قالا تۇرعىندارىنىڭ ءوتىنىشى نەگىزىندە الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا قالا قۇرىلىسىن باقىلاۋ باسقارماسى ابىلاي حان داڭعىلى، 107 مەكەنجايىنداعى تۇرعىن ۇيگە قوسالقى سالىنعان نىساندى جانە جازعى الاڭعا تەكسەرۋ جۇرگىزدى، دەپ حابارلايدى Almaty-akshamy.kz.
تەكسەرۋ ناتيجەلەرى بويىنشا جالعا الۋشى "ماتادور" ج ش س “قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى" كودەكسىنىڭ 322-بابى 1، 319، 323-بولىگى بويىنشا جاۋاپكەرشىلىككە تارتىلدى، باسقارما مەنشىك يەسى مەن جالعا الۋشىعا قاتىستى اكىمشىلىك قۇقىقبۇزۋشىلىق جونىندەگى اۋدانارالىق سوتقا جانە مەملەكەتتىك قور اۋماعىندا ورنالاسقان زاڭسىز سالىنعان جازعى الاڭدى بۇزۋ تۋرالى اۋدانارالىق ەكونوميكالىق سوتقا تالاپ ارىزدار بەردى.
باسقارمانىڭ تالاپ-ارىزدارى قاناعاتتاندىرىلدى، الايدا الماتى قالالىق سوتىنا اپەللياسيالىق شاعىم ءتۇستى. سوت پروسەستەرى 2023 جىلدىڭ 25 ساۋىرىندە اياقتالدى – اپەللياسيالىق سوتتىڭ قاۋلىسىمەن ءسۇرۋ تۋرالى شەشىم وزگەرىسسىز قالدى. ءسۇرۋ اعىمداعى جىلدىڭ 12 مامىرىندا سوت ورىنداۋشىلارىنىڭ قاتىسۋىمەن باستالدى.