الماتىدا سوڭعى الىنعان 131 سىنامادا 77 بريتاندىق «الفا» شتامى بولسا، 46 جاعدايدا ءۇندىستاندىق «دەلتا» شتامى انىقتالىپ وتىر
الماتىنىڭ باس سانيتارلىق دارىگەرى جانداربەك بەكشين الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكىزگەن باسپا ءسوز ءماسليحاتىندا ۇندىلىك «دەلتا» شتامىنىڭ الماتىدا ورشۋىنە بايلانىستى 26 ماۋسىمدا №19 قاۋلى قابىلداعانىن مالىمدەدى، دەپ حابارلادى Almaty-akshamy.kz.
ونىڭ ايتۋىنشا، جىل باسىنان بەرى الماتىدا كوۆيد جۇقتىرۋدىڭ 55 مىڭ جاعدايى تىكەلگەن. ماۋسىم ايىندا 3889 جاعداي تىركەلگەن جانە وسى ايدا اۋرۋ جۇقتىرۋ 1،5 ەسەگە وسكەن.
الىنعان سوڭعى 131 سىنامانىڭ 77 جاعدايىندا (59 %) بريتانيالىق «الفا» شتامى بولسا، 46 جاعدايىندا (35%) ءۇندىستاندىق «دەلتا» شتامى انىقتالىپ وتىر. ودان باسقا 2 سىنامادان وڭتۇستىك افريكا شتامى انىقتالسا، 1 سىنامادان گەورگ شتامى تابىلىپتى.
جانداربەك بەكشيننىڭ ايتۋىنشا، كناۋقاستاردىڭ 23% ىندەتتى ساۋدا ورتالىقتارىندا جۇقتىرسا، 17% قوعامدىق كولىكتەردە، 12% بازارلاردا، 10 % تويلار مەن ءار ءتۇرلى اس بەرۋ وتىرىستارىندا جۇقتىرادى ەكەن.