سيۆەرس الما اعاشى تەك عىلىمي جانە تاريحي قۇندىلىق ەمەس
12-18 قىركۇيەك ارالىعىندا ايۋساي ۆيزيت-ورتالىعىندا ىلە الاتاۋى ۇلتتىق پاركىنىڭ اۋماعىندا سيۆەرس الما اپتالىعى ءوتتى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
ءىس-شارانى ىلە الاتاۋى ۇلتتىق پاركى، Alma Museum Almaty قق "المالى جۇماق"، ايۋساي جانە Turgensai ۆيزيت-ورتالىقتارى ۇيىمداستىردى.
بۇل اعارتۋشىلىق ءىس-شارا قالا كۇنىنە جانە ىلە-الاتاۋ ۇلتتىق پاركىنىڭ اۋماعىن قامتيتىن سيۆەرس الما اعاشىنىڭ جەمىستەرىنىڭ پىسەتىن كەزەڭىنە ورايلاستىرىلدى.
سيۆەرس الما اپتالىعى اياسىندا ايۋساي جانە Turgensai ۆيزيت-ورتالىقتارىندا ۇلتتىق پارك پەن الماتى الما مۇراجايىنىڭ قىزمەتكەرلەرى "سيۆەرس الما اعاشى – جەتىسۋدىڭ ءىنجۋ-مارجانى" اتتى تەگىن دارىستەر وتكىزدى. ستۋدەنتتەر مەن وقۋشىلار الەمدەگى ەڭ تانىمال جەمىستەردىڭ پايدا بولۋى تۋرالى بىرەگەي فاكتىلەردى ءبىلدى، سيۆەرس الما اعاشىن زەرتتەيتىن جەتەكشى ماماندارمەن سويلەستى.
دەرەكتەرگە سۇيەنسەك، سيۆەرس الما اعاشىن زەرتتەۋ تاريحى 200 جىلدان اسادى، بۇل ءتۇردىڭ العاشقى عىلىمي سيپاتتاماسىن 1793 جىلى ورىس بوتانيگى يوگانن سيۆەرس بەرگەن. بىردەن دەرلىك، بۇل جابايى الما اعاشى ءۇي الما اعاشتارىنىڭ بارلىق وسىرىلەتىن سورتتارىنىڭ اتاسى بولىپ تابىلادى. بۇل گيپوتەزانى ءححى عاسىردا حالىقارالىق عالىمدار توبىنىڭ كەڭ اۋقىمدى گەنەتيكالىق زەرتتەۋى تولىعىمەن راستادى.
«ءبىر اپتا بويى ءبىزدىڭ ۆيزيت-ورتالىقتارىمىزداعى دارىستەرگە 180-نەن استام ادام قاتىستى: ونىڭ ىشىندە الماتى قالاسىنىڭ №188 جانە №123 مەكتەپتەرىنىڭ، تالعار قالاسىنداعى №8 مەكتەبىنىڭ وقۋشىلارى مەن اگرارلىق ۋنيۆەرسيتەتتىڭ، تۇران، UIB ۋنيۆەرسيتەتەرىنىڭ ستۋدەنتتەرى بار»، - دەدى ۆيزيت-ورتالىقتىڭ وكىلى.
ال 18 قىركۇيەكتە سيۆەرس الماسى اپتالىعىنىڭ جابىلۋ كۇنى ب ا ق وكىلدەرىنىڭ قاتىسۋىمەن Open Talk ءوتتى، سونداي-اق وقۋشىلار مەن ستۋدەنتتەر اراسىندا سماترفوندارعا ارنالعان "زەرەك الما" انيماسيا بايقاۋى باستالدى.
Open Talk شاراسىندا "ىلە الاتاۋى" مۇتپ عىلىمي-زەرتتەۋ جۇمىستارى جانە تاۋ اگروبيوتۇرلىلىك ءبولىمىنىڭ باستىعى سالتانات وسەربايەۆا، "ىلە الاتاۋى" مۇتپ ەكولوگ-اعارتۋشىسى سامال ءابىلوۆا، "Issyk" شاراپ زاۋىتىنىڭ باس ديرەكتورى دميتريي زەنەنكو، ايۋساي ۆيزيت-ورتالىعىنىڭ باسقارۋشى ديرەكتورى ساۋلە مۋسينا قاتىستى.
سالتانات وسەربايەۆا سيۆەرس الماسىنىڭ الەمدىك ماڭىزى تۋرالى، سونداي-اق ىلە الاتاۋى ۇلتتىق پاركى اۋماعىنداعى المانىڭ تابيعي پوپۋلياسياسىن ساقتاۋ بويىنشا جۇمىستار تۋرالى ايتىپ بەردى. ءبىر قىزىعى، سيۆەرس الما اعاشى تەك عىلىمي جانە تاريحي قۇندىلىق ەمەس. دميتريي زەنەنكو ءوزىنىڭ كومپانياسى سيۆەرس الماسىنان جاسايتىن ەرەكشە سۋسىن تۋرالى ايتتى.
«بۇل "جابايى" سيدر، ونىڭ قۇرامىنا سيۆەرس الما اعاشى جەمىستەرىنىڭ 20% كىرەدى. ونى ءوندىرۋ ءۇشىن جەمىستەردى ۇلتتىق پاركتىڭ قورىقشىلارى الما اعاشى تابيعي وسەتىن جەرلەردە فلورانىڭ تابيعي تەڭگەرىمىن بۇزباي جينايدى، ال سيدرگە شىرىن سىعىلعاننان كەيىن قالعان الما اعاشىنىڭ تۇقىمدارى بار كۇنجارا الما اعاشىنىڭ كوشەتتەرىن ودان ءارى ءوسىرۋ ءۇشىن ۇلتتىق پاركتىڭ پيتومنيگىنە بەرەدى»، - دەدى دميتريي زەنەنكو.
Open Talk قورىتىندىلارى بويىنشا، سپيكەرلەر دە، اۋديتوريا دا سيۆەرس الما اعاشى الماتى قالاسىنىڭ الەمدىك برەندىنىڭ بازالىق ەلەمەنتى بولۋعا ءتيىس دەگەن قورىتىندىعا كەلدى جانە وسى برەندتى قالاي دامىتۋ كەرەك ەكەنى جايلى قىزىقتى ۇسىنىستار جاسادى.
وسىنداي ۇسىنىستاردىڭ ىشىندە الما مەن ونىڭ ونىمدەرىن ەكسپورتتاۋ سالاسىندا كوشباسشى ەلدەردىڭ قاتىسۋىمەن حالىقارالىق الما فەستيۆالدەرى مەن جارمەڭكەلەرىن ۇيىمداستىرۋ؛ سيدر ءوندىرۋ تەحنولوگياسىنىڭ مىسالى بويىنشا-سيۆەرس الما اعاشىنىڭ جەمىستەرىنەن تۇراتىن ونىمدەر جەلىسىن كەڭەيتۋ؛ سيۆەرس الما اعاشىنىڭ برەندىمەن كادەسىي ونىمدەرىن ساتۋ جانە ت.ب بار.