الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى نازگۇل يمانعالييەۆا دەپۋتاتتارعا نەلىكتەن سيرەك كەزدەسەتىن سىرقاتقا شالدىققان ناۋقاستاردى تەگىن دارى-دارمەكپەن قامتاماسىز ەتۋگە قاراجاتتىڭ ءوسىپ جاتقانىن ءتۇسىندىردى، دەپ حابارلايدى اlmaty-akshamy.kz.
«2024 جىلعا بىزدە 7682 پاسيەنتكە 8،2 ملرد تەڭگە ءبولىندى. بىزدە جاڭا ناۋقاستاردى انىقتاۋ ەسەبىنەن قاراجات وسۋدە، بۇل جاڭادان انىقتالعان 1024 پاسيەنت. بىزدە ورفاندىق اۋرۋلار بويىنشا دارىلىك زاتتارعا قاجەتتىلىك 53% ارتتى. سونىمەن قاتار، بىزدە نوزولوگيا ءتىزىمى كەڭەيدى، 10 جاڭا اۋرۋعا جانە ورفاندىق اۋرۋلارعا ارنالعان دارىلىك زاتتاردىڭ باعاسى ءوسىپ وتىر»، - دەدى نازگۇل يمانعالييەۆا.
بۇعان قوسا، بۇلشىقەت ديستروفياسى بار ونكولوگيالىق ناۋقاستارعا ارنالعان كەيبىر دارى-دارمەكتەر قىمبات، بۇل بيۋدجەتتىڭ ەداۋىر بولىگىن الادى.
نوزولوگيالار مەن دارىلىك زاتتاردىڭ ءتىزىمى كوبەيىپ كەلەدى. مىسالى، 2023 جىلى ءماسليحات 10 پاسيەنتتى قامتاماسىز ەتۋ ءۇشىن 10 جاڭا اۋرۋ ءتۇرى مەن 11 ءتۇرلى پرەپارات ەنگىزۋ تۋرالى شەشىم قابىلداندى. 2023 جىلمەن سالىستىرعاندا نوزولوگيانىڭ 27 ءتۇرى بويىنشا دارىلىك زاتتارعا قاجەتتىلىك 2024 جىلعا 53،3% ءوستى.