الماتىدا سينتەتيكانىڭ ءىرى پارتياسى تاركىلەندى

پوليسيا قىزمەتكەرلەرى تۇراقتى ەسىرتكى تاسىمالداۋشىسىن ۇستادى.

ودان بىرنەشە مەكەنجايدان سوت-حيميالىق ساراپتامانىڭ قورىتىندىسى بويىنشا 1 كەلىدەن استام سينتەتيكالىق ا-PVP ەسىرتكىسى تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«37 جاستاعى ي. ەسىمدى كۇدىكتى ازامات ءۇش مەكەنجايعا بەتبەلگى قويۋ بارىسىندا ۇستالدى. يزولەنتاعا ورالعان ەسىرتكى زاتتارى بىردەن تاركىلەندى. سونىمەن قاتار، كۇدىكتىنىڭ تولستوي كوشەسىندەگى جالدامالى پاتەرى دە تەكسەرىلدى. ناتيجەسىندە اس ۇيدەگى سورەدەن جاسىل جانە اق ءتۇستى ۇنتاقتى زاتى بار 40 بايلام انىقتالدى. سونداي-اق، زالدان قوراپ تابىلدى، ونىڭ ىشىندە ۇنتاقتى زاتى بار 331 بۋما بولدى. سامالدىقتان قىزىل، كوك، اق جانە جاسىل ءتۇستى تۇيىرشىكتەر مەن ىشىندە ۇنتاق تۇرىندەگى زاتى بار 5 پلاستيك ىدىس تابىلدى. ساراپتاما بايلامدار مەن ىدىستارعا سينتەتيكالىق ەسىرتكى ورالعانىن انىقتادى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

ۇستالعان ازاماتتىڭ ارەكەتى تەرگەۋمەن ق ر قك-نىڭ 297-بابى 3-بولىگىمەن سارالاندى. ول ۋۇي-عا قاماۋعا الىندى. الماتىعا ءشوپتى جەتكىزۋدىڭ ناقتى ارناسى بەلگىلى بولادى. ءقازىر كۇدىكتى سينتەتيكالىق ەسىرتكىنى ينتەرنەت ارقىلى العانىن العا تارتىپ وتىر.