ونى الاياقتار نومىرلەردى اۋىستىرۋ ءۇشىن پايدالانادى.
جابدىق سلوتتارىنان قازاقستاندىق جانە رەسەيلىك ۇيالى بايلانىس وپەراتورلارىنىڭ 80-نەن استام SIM-كارتاسى تابىلدى، دەپ حابارلايدى aqshamnews.kz
الماتى قالاسىنىڭ قۇقىق قورعاۋ ورگاندارى مەن بايلانىس وپەراتورلارى اراسىندا جاسالعان مەموراندۋم شەڭبەرىندە پروكۋراتۋرانىڭ ۇيلەستىرۋىمەن "كيبەرپول" بولىمشەسىنىڭ قىزمەتكەرلەرى "Sim-Box" جابدىعىن پايدالانۋ فاكتىسىن انىقتادى.
ساتبايەۆ كوشەسىندەگى وفيستەردىڭ بىرىنەن كۇدىكتىدەن 3 "Sim-Box" قۇرىلعىسى تاركىلەندى.
"Sim-Box" جابدىعىن الاياقتار جاپپاي قوڭىراۋلار شالۋ، حابارلامالار تاراتۋ جانە ابونەنتتىك نومىرلەردى اۋىستىرۋ ءۇشىن پايدالانادى.
اتالعان فاكتى بويىنشا ابونەنتتىك قۇرىلعىنىڭ سايكەستەندىرۋ كودىن وزگەرتۋگە مۇمكىندىك بەرەتىن باعدارلامالاردى زاڭسىز پايدالانۋ تۋرالى سوتقا دەيىنگى تەرگەپ-تەكسەرۋ باستالدى (ق ر قك-نىڭ 213-بابى).
بۇل سوڭعى ايداعى وسىنداي قۇرال-جابدىقتاردىڭ ەكىنشى رەت انىقتالۋى.
الماتى قالاسىنىڭ پروكۋراتۋراسى ازاماتتاردى قىراعىلىق ساقتاۋعا شاقىرادى. ەگەر سىزدە وسىنداي جابدىقتى قولدانۋ تۋرالى اقپارات بولسا، دەرەۋ قۇقىق قورعاۋ ورگاندارىنا حابارلاڭىز.
سونداي-اق جەكە دەرەكتەردىڭ قۇپيالىلىعىن ساقتاۋ قاجەتتىگىن ەسكە سالامىز: كىرۋ كودتارىن، پارولدەردى جانە بانك كارتالارىنىڭ دەرەكتەمەلەرىن بوگدە ادامدارعا بەرمەڭىز.