جوبا بويىنشا كەڭەس بەرۋ جانە ونى قولداۋ قىزمەتىن Qoldaý كاسىپكەرلىك ورتالىعىنىڭ مەنەدجەرلەرى كورسەتتى.
كاسىپكەرلىكتى دامىتۋ جونىندەگى ۇلتتىق جوبانىڭ اياسىندا وتەۋسىز يننوۆاسيالىق گرانتتى الماتى قالاسىنىڭ تۇرعىنى سايات نۇرلى ۇتىپ الدى، دەپ حابارلايدى Almaty-akshamy.kz
جاس جىگىت پىكىرلەس ادامدار توبىمەن بىرگە Grafen (https://grafen.kz/) سيفرلىق ءونىمىن ازىرلەپ شىعاردى. Grafen – ءبىلىم بەرۋ ورتالىقتارىنا، كومپانيالار مەن اقپاراتتى بيزنەسمەندەرگە ارنالعان بىرەگەي پلاتفورما، ول جەكە ۆيدەووقۋلىقتاردى جۇكتەۋگە جانە ساتۋعا مۇمكىندىك بەرەدى. پلاتفورما ناقتىلى ۋاقىتتا تۇساۋكەسەر كورسەتىلىمدەردى تانىستىرۋعا جانە ونلاين-وقىتۋلار وتكىزۋگە مۇمكىندىك بەرەدى.
«كوپتەگەن IT-جوبالار سياقتى پلاتفورما قۇرۋ تۋرالى وي پاندەميا كەزىندە تۋعان بولاتىن. ول كەزدە وزىمنەن كىشى ءىنىم ەكەۋمىزدىڭ وقىتۋ ورتالىعىمىز بار بولاتىن، كوپ ۇزاماي تج رەجيمىنەن سوڭ جانە قاشىقتىقتان جۇمىس ىستەۋگە كوشكەننەن كەيىن بىزگە جەدەل تۇردە ونلاين نىسانىنا قايتا كوشۋگە تۋرا كەلدى. باستاپقىدا ءبىز ZOOM ارقىلى وقىتىپ جۇردىك، الايدا، قولدانبالاردىڭ شەكتى قىزمەتتەرى ءبىزدىڭ كوڭىلىمىزدەن شىقپادى، ال نارىقتا ءبىز قاجەتتى پلاتفورمانى تابا المادىق. وسى ساتتە، ءبىز ءوزىمىزدىڭ پايدالى ءونىمىمىزدى ويلاپ تابۋدى شەشتىك»، – دەيدى سايات نۇرلى.
ونىڭ ايتۋىنشا، جوبانى قۇرۋ كەزىندە حالىقارالىق IT-كومپانياسىمەن ىنتىماقتاستىق تاجىريبەسى كوپ كومەكتەسكەن. كرەاتيۆتى ازىرلەۋشىلەر تەز ارادا توپ قۇرىپ، دايىندىق پروسەسسىن باستاپ كەتەدى.
«بىزگە العاشقى ءونىمدى شىعارۋعا جانە تەستىلىك رەجيمدە جۇمىستى باستاۋ ءۇشىن 1 جىل كەرەك بولدى. ارينە، وزەكتى ماسەلەلەر بولدى، ءبىراق ءبىز ءۇمىت ۇزبەي، جۇمىستى جالعاستىردىق»، – دەپ ءتۇسىندىردى ول.
سول كەزدە ساياتتىڭ ءىنىسى ءارى سەرىكتەس ارىپتەسى وعان Qoldaý كاسىپكەرلىك ورتالىعىنا جۇگىنۋدى ۇسىنعان.
«بۇل كۇتپەگەن جاعداي بولدى، ءبىز مەملەكەتتىك قولداۋ كورسەتۋدىڭ ءىس جۇزىندە قالاي بولاتىنىن بىلمەدىك. الايدا، ورتالىقتىڭ قىزمەتكەرلەرى ءتۇسىندىرۋ جۇمىستارىن جەدەل جۇرگىزدى ءارى بيزنەس-جوسپار قۇرۋ قىزمەتىن تەگىن كورسەتتى جانە كومەكتەستى، سوندىقتان ءبىز ولارعا وتە ريزامىز. ناتيجەسىندە ءبىز جاساعان جوبامىز ءۇشىن قاجەتتى تەحنيكا ساتىپ الۋعا 4 ملن تەڭگە ۇتىپ الدىق»، – دەدى سايات.
بۇگىندە Grafen وتاندىق پلاتفورماسىندا 1 مىڭنان استام بەلسەندى پايدالانۋشىلار تىركەلگەن، ولار ىڭعايلى ۋاقىتتا وقيدى جانە العان بىلىمدەرى بويىنشا الەمنىڭ كەز-كەلگەن تۇكپىرىمەن بايلانىسا الادى.