26 قاراشادا ساعات 19:00-دە الماتى قالاسىنداعى رەسپۋبليكا سارايىندا قىرعىز ۇلتتىق فيلارمونياسى توكتوگۇل ساتىلعانوۆ اتىنداعى ميۋزيكل «ءجاميلا» اتتى شىعارماسىن ۇسىنادى، - دەپ حابارلايدى aqshamnews.kz.
ميۋزيكل اتاقتى قىرعىز جازۋشىسى شىڭعىس ايتماتوۆتىڭ ايگىلى شىعارماسىنا نەگىزدەلگەن.
"ءجاميلا" - ايتماتوۆتىڭ ءبىرىنشى پوۆەسى (1958)، ول جازۋشىعا الەمدىك تانىمالدىلىق اكەلدى. پوۆەستە دانيار مەن جامىلەنىڭ ماحابباتى جاس جىگىس سەيت ارقىلى باياندالادى. العاشىندا شىعارما "وبون" (مەلوديا) دەگەن اتپەن جاريالانعان.
ميۋزيكل العاش اتالعان اتاۋدان شابىتتانىپ جاسالعان جانە ادامزات باستان كەشكەن بارلىق تراگەديالارعا قاراماستان ماحابباتتىڭ قاسيەتتىلىگىنە دەگەن تەرەڭ سەنىمدى كورسەتەدى. ورتالىق كەيىپكەرلەر: تاعدىرىن قابىلداپ، شىنايى سەزىمگە سەنىمىن جوعالتپاعان دانيار، جارىق بولاشاققا جانە تازا ماحابباتقا قادام جاساعان ءجاميلا، جانە ۇلى سەزىمدى كۋاگەر رەتىندە كورگەن سەيت.
پوستانوۆكادا ادام بىرلىگىنىڭ، بىر-بىرىنە كومەك كورسەتۋدىڭ جانە قيىن كەزەڭدەردە رۋحاني توزىمدىلىكتىڭ ماڭىزى ايقىن كورىنىس تابادى. بۇل نەگىزگى كوركەمدىك ءماندى اشادى.
ميۋزيكل حالىقارالىق شىعارماشىلىق تۋردىڭ باستاماسى رەتىندە ۇسىنىلىپ وتىر. ول قىرعىزستان ۇكىمەتىنىڭ قولداۋىمەن الماتى، باكۋ، تاشكەنت، انكارا قالالارىندا جانە ەۋروپا ەلدەرىندە كورسەتىلەتىن بولادى. بۇل تۋر شىڭعىس ايتماتوۆتىڭ 100 جىلدىق مەرەيتويىنا ارنالعان.
شىعارماشىلىق قۇرامى:
-
جوبانىڭ جەتەكشىسى – قىرعىزستاننىڭ حالىق ءارتىسى قىرعىزباي وسمونوۆ
-
قويۋشى-رەجيسسەر - قىرعىزستاننىڭ قۇرمەتتى ءارتىسى بولوت تەنتيمىشوۆ
-
ليبرەتتو اۆتورلارى – قىرعىزستاننىڭ قۇرمەتتى مادەنيەت قايراتكەرى ۇلان زاينيدين ۇلى، قىرعىزستاننىڭ قۇرمەتتى ءارتىسى بولوت تەنتيمىشوۆ
-
كومپوزيتور – قىرعىزستاننىڭ قۇرمەتتى ءارتىسى مۋرزالي جەەنبايەۆ
-
اقىن – ماحابات مولدالييەۆا (ا.وسمونوۆ اتىنداعى سىيلىق لاۋرەاتى)
-
ساحنا سۋرەتشىسى – كۇلچورو شەرماتوۆ
-
باس حورمەيستەر – قىرعىزستاننىڭ حالىق ءارتىسى گۇلبارا ماماتوۆا
-
باس بالەتمەيستەر – ەرلان كامىتبەكوۆ
-
كوستيۋم سۋرەتشىلەرى – ءدوولوت رىسبايەۆ، دجاميليا ستامبەكوۆا
ميۋزيكل قىرعىزستان پرەزيدەنتىنىڭ جارلىعىمەن شىڭعىس ايتماتوۆتىڭ 100 جىلدىعىنا ارنالعان مەرەيتويلىق ءىس-شارالار تىزىمىنە ەنگىزىلگەن.