الماتىدا شارتتى تۇردە مەرزىمىنەن بۇرىن بوساتىلعان ازامات قايتا قاماۋعا الىندى

الماتى قالاسىنىڭ پوليسيا قىزمەتى شارتتى تۇردە مەرزىمىنەن بۇرىن بوساتىلعان ازاماتتىڭ زاڭ بۇزعانى ءۇشىن قايتا قاماۋعا الىنعانى تۋرالى حابارلادى.

 وقيعا وتكەن جازدا تۇرمەدەن بوساپ شىققان 35 جاستاعى ەر ادامعا قاتىستى. سوت ونىڭ جازاسىنىڭ وتەلمەگەن بولىگىن ءۇي جاعدايىندا وتەۋىنە مۇمكىندىك بەرگەن بولاتىن، دەپ حابارلايدى aqshamnews.kz Polisia.kz-كە سىلتەمە جاساپ. 

الايدا، ازامات بۇل مۇمكىندىكتى باعالامادى. بوستاندىقتا جۇرگەندە ول زاڭ تالاپتارىن، قوعامدىق ءتارتىپتى جانە شارتتى تۇردە مەرزىمىنەن بۇرىن بوساتىلۋ تالاپتارىن ورەسكەل بۇزدى. بۇل سوتتىڭ ونى قايتا قاماۋعا الۋ تۋرالى شەشىم شىعارۋىنا نەگىز بولدى. 

پوليسيانىڭ ايتۋىنشا، بۇل جاعداي ارنايى كەزدەسۋدە باسقا شارتتى تۇردە مەرزىمىنەن بۇرىن بوساتىلعان ازاماتتارعا دا ەسكەرتىلدى. باسقالاردىڭ قاتەلىگىنەن ساباق الۋ ماڭىزدى. سوندىقتان ەسەپتە تۇرعان ادامدارعا زاڭ تالاپتارىن قاتاڭ ساقتاۋ قاجەتتىگى تاعى دا ءتۇسىندىرىلدى. تۇركسىب اۋدانىنىڭ وزىندە شارتتى تۇردە مەرزىمىنەن بۇرىن بوساتۋ تۋرالى 10 بۇيرىقتىڭ كۇشى جويىلدى. جالپى، مۇنداي ازاماتتاردىڭ ءتارتىبى مەن ءومىر سالتىنا قاتىستى قاداعالاۋ جۇمىستارى ۇزدىكسىز جۇرگىزىلىپ، باقىلاۋدا تۇر.