الماتىدا بيىل 20 شاقىرىم ۆەلوينفراقۇرىلىمعا ارنالعان جوبالار ازىرلەنەدى
بيىل الماتى قالاسىندا 20 شاقىرىم كوشەگە ارنالعان ۆەلوجول جوبالارىن ازىرلەۋ جوسپارلانعان. ءقازىر جوبا كەڭسەسى اياسىندا قالا اكىمى الماتى كەشەندى كولىك سىزباسى بويىنشا ۆەلوينفراقۇرىلىمدى ورنالاستىرۋ سىزباسىن جاڭارتىپ جاتىر، دەپ حابارلايدى almaty-akshamy.kz
ۆەلوجولاقتىڭ ۇزىندىعى جانە جوبالاردى جۇزەگە اسىرۋ شارتتارى تەحنيكالىق-ەكونوميكالىق نەگىزدەمە مەن جوبالاۋ-سمەتالىق قۇجاتتامانى دايىنداعاننان كەيىن جانە قازاقستان زاڭناماسى بويىنشا ناقتى جوبانى ساراپتاۋدىڭ وڭ قورىتىندىسىن العان سوڭ ناقتىلانادى.
ايتا كەتەيىك، 2023 جىلى الماتىدا 3 شاقىرىم ۆەلوينفراقۇرىلىم ۇيىمداستىرىلدى: ماناس كوشەسىنىڭ بويىمەن ساتبايەۆ كوشەسىنىڭ باتىس جاعىنان شيەۆچەنكو كوشەسىنە دەيىن، سول ارقىلى ساتبايەۆ كوشەسىن قالانىڭ قالعان ۆەلوسيپەد جەلىسىمەن جانە بۇقتىرما مەن مايلين كوشەسىنە قوسىلاتىن قۇلجا كۇرە جولى مەن بۇقتىرما كوشەسىنىڭ قيىلىسىنداعى جولايىرىققا دەيىن جالعايدى.
الماتىدا شاعىن ءموبيلدى كولىك (ۆەلوسيپەد، ەلەكترلى ساموكات) پايدالانۋشىلاردىڭ ءوسىپ كەلە جاتقان قاجەتتىلىگىن قامتاماسىز ەتۋ ءۇشىن ۆەلوجولاق جەلىسىن ۇلعايتۋ الماتى قالاسىنىڭ باس جوسپارىندا قاراستىرىلعان. الماتى اكىمى ەربولات دوسايەۆتىڭ تاپسىرماسىمەن ۆەلوينفراقۇرىلىم ۆەلوسيپەدپەن جۇرۋدە سۇرانىسقا يە دالىزدەرمەن جانە ورتاشا جوندەۋ، قايتا قۇرۋ نەمەسە اباتتاندىرۋ باعدارلامالارى اياسىندا جۇزەگە اسىرىلادى.
مەگاپوليستە بارلىعى 92 شاقىرىم ۆەلو ينفراقۇرىلىم جابدىقتالعان. ۆەلوجولاقتىڭ ۇزىندىعى 25 شاقىرىم، ال ۆەلوجول 67 شاقىرىم.