الماتىدا سەركەبايەۆ داڭعىلى بويىنداعى كولىك قوزعالىسىنا ءۇش تاۋلىككە سەگمەنتتەر بويىنشا شەكتەۋ قويىلماقشى، دەپ حابارلايدى aqshamnews.kz «الماتى جىلۋ جۇيەسى» جشس-نە سىلتەمە جاساپ.
الماتى قالاسى بوستاندىق اۋدانىنداعى ەرمەك سەركەبايەۆ داڭعىلى بويىنداعى بەرەزوۆسكيي كوشەسىنەن باستاپ ەسقارايەۆ كوشەسىنە دەيىنگى اۋماق 10 تامىزداعى (سەنبى) تاڭعى ساعات 6-دان 13 تامىزداعى (سەيسەنبى) تاڭعى ساعات 10-عا دەيىن ەكى باعىتتا دا اۆتوكولىك قۇرالدارىنىڭ قوزعالىسى ءۇشىن جابىلادى.
ۋاقىتشا شەكتەۋلەر اتالعان كوشە بويىنداعى كولىك جولى بولىگىنىڭ استىنان وتەتىن قۇبىردى جاڭعىرتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ەنگىزىلىپ وتىر.
جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.
48 جىل بۇرىن (1976 جىلى) پايدالانۋعا بەرىلگەن جالپى ۇزىندىعى 1 شاقىرىمنان اساتىن جانە جاڭعىرتىلىپ جاتقان جىلۋ ماگيسترالى قازاندىقتاردان مەگاپوليستىڭ وڭتۇستىگىندەگى اتالعان سەكتوردا ورنالاسقان 19 تۇرعىن ۇيگە، 2 بالاباقشاعا جانە 39 باسقا عيماراتتارعا جىلۋ ەنەرگياسىن بەرۋدى قامتاماسىز ەتەدى.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە بۇل اۋماقتى اينالىپ ءوتۋ جولدارىن الدىن الا قاراستىرۋلارىڭىزدى سۇرايمىز.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.