بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە ايتىلدى، دەپ حابارلايدى اlmaty-akshamy.kz.
«كوركەم تەلەكوم» ج ش س كومپانياسىنىڭ بيزنەستى دامىتۋ جونىندەگى ديرەكتورى ارمان المەرەكوۆ جۇرگىزۋشى ءتارتىبىنىڭ جاقسارۋىنا بەينەباقىلاۋ جۇيەسى اسەر ەتتى دەپ ەسەپتەيدى. مۇنى جول-كولىك وقيعالاردىڭ كورسەتكىشتەرى دە كورسەتىپ وتىر. وسىلايشا، «سەرگەك» كامەرالارى ورناتىلعالى بەرى جول-كولىك وقيعالارىنان قازا بولعاندار سانى 40%-عا (2019 جىلعى 161-دەن 2022 جىلى 96-عا دەيىن) قىسقاردى.
بريفينگتە الماتى قالاسى اكىمدىگى، الماتى قالاسىنىڭ پوليسيا دەپارتامەنتى جانە «كوركەم تەلەكوم» ج ش س اراسىندا مەملەكەتتىك-جەكەمەنشىك ارىپتەستىك كەلىسىمى اياسىندا «الماتى قالاسىنىڭ زياتكەرلىك قاۋىپسىزدىك جۇيەسى جانە جول قوزعالىسى ترافيگىن تالداۋ» جوباسى جۇزەگە اسىرىلىپ جاتقانى ەسكە سالىندى. جوبانىڭ قۋاتتىلىعى – 766 «سەرگەك» اپپاراتتىق-باعدارلامالىق كەشەندەرى (383 جەلىلىك ۋچاسكەلەردە، 383 جول قيىلىستارىندا).
«جوبانى ىسكە اسىرۋ جول قوزعالىسى قاۋىپسىزدىگىن قامتاماسىز ەتەتىن كامەرالاردىڭ جولدارداعى اپاتتاردىڭ نەگىزگى كورسەتكىشتەرىن تومەندەتۋگە ايتارلىقتاي ىقپال ەتەتىنىن كورسەتەدى، ويتكەنى جوعارى جىلدامدىق اپات ءقاۋپىنىڭ ارتۋىنا دا، زارداپتاردىڭ اۋىرلىعىنىڭ ارتۋىنا دا اكەلەدى. بۇكىل الەم بويىنشا جۇرگىزىلگەن كوپتەگەن زەرتتەۋلەرگە سايكەس، باقىلاۋ كامەرالارى اۋىر جاراقاتتارمەن نەمەسە ولىممەن بولاتىن اپاتتاردى 11% -دان 44% -عا دەيىن تومەندەتۋى مۇمكىن. وسىلايشا، «سەرگەك» كامەرالارى ورناتىلعاننان بەرى جول-كولىك وقيعالارىنان قازا تاپقاندار سانى 40 پايىزعا (2019 جىلعى 161-دەن 2022 جىلى 96-عا دەيىن) ازايدى»، - دەدى ارمان المەرەكوۆ.
سپيكەر «سەرگەك» جۇيەسى جول قوزعالىسى قاۋىپسىزدىگىن جاقسارتۋعا عانا كومەكتەسىپ قويماتىنىن ءتۇسىنۋ ماڭىزدى ەكەنىن اتاپ ءوتتى. بارلىق «سەرگەك» كەشەندەرى ارنايى جەلىلىك باقىلاۋ كامەرالارىمەن جابدىقتالعان، ولار جەلىلىك ۋچاسكەلەر مەن قيىلىستاردا بارلىق اپپاراتتىق-باعدارلامالىق كەشەندەردەن بارلىق وقيعالار بەينەگە تۇسىرىلەدى، سول ارقىلى قوعامدىق قاۋىپسىزدىكتى باقىلاۋعا مۇمكىندىك جاسالعان. قاجەت بولعان جاعدايدا پوليسيا دەپارتامەنتى قالا كوشەلەرىندە ورىن العان قىلمىستاردى اشۋ ءۇشىن وسى كامەرالاردى پايدالانادى.
سەرگەك جۇيەسى تاۋلىك بويى رەجيمىندە كەمىندە 30 كۇن بويى دەرەكتەردىڭ ساقتالۋىن قامتاماسىز ەتەدى. 30 كۇندىك بەينەسۋرەتتەردى ساقتاۋ مەرزىمى ۇلتتىق قاۋىپسىزدىك كوميتەتى ءتوراعاسىنىڭ بۇيرىعىمەن بەكىتىلگەن ۇلتتىق بەينەباقىلاۋ جۇيەسىنىڭ جۇمىس ىستەۋ قاعيدالارىندا ايقىندالعان.
بريفينگتىڭ ەكىنشى قاتىسۋشىسى الماتى قالاسى سيفرلاندىرۋ باسقارماسى باسشىسىنىڭ ورىنباسارى سەرىك بايعانين «سەرگەك» زياتكەرلىك جۇيەسى قالانىڭ كولىك جۇيەسىنىڭ پارامەترلەرى بويىنشا قالاداعى كولىكتەردىڭ سانى جانە ولاردىڭ نەگىزگى باعىتتارى، ساپارلاردىڭ ۇزاقتىعى جانە كولىك قۇرالدارىنىڭ ەكولوگيالىق اسەرى تۋرالى كوپتەگەن دەرەكتەردى جيناۋعا، وڭدەۋگە جانە جيناقتاۋعا مۇمكىندىك بەرەتىنىن ايتتى. مىسالى، ءقازىر الماتىدا جۇمىس كۇندەرى 555 مىڭعا دەيىن كولىك قوزعالادى، ونىڭ ىشىندە تاڭەرتەڭگى جانە كەشكى قاربالاس ۋاقىتتا 170 مىڭعا دەيىن كولىك قوزعالىسى بايقالادى. تاۋلىگىنە بارلىق كولىكتەر 16 ملن كم جول جۇرەدى. وسى دەرەكتەردىڭ كومەگىمەن قالاداعى تارتىلىس ايماقتارىن انىقتاۋعا، بولاشاق مارشرۋتتاردى بولجاۋعا، سول ارقىلى قالاداعى بولاشاق جول-كولىك قوزعادىسىنىڭ مودەلىن قۇرۋعا بولادى.
سەرىك بايعانين «سەرگەك» تەك جول قاۋىپسىزدىگى عانا ەمەس، قوعامدىق قاۋىپسىزدىكتى دە قامتاماسىز ەتەتىنىن اتاپ ءوتتى. قاۋىپسىزدىك كامەرالارى قوعامدىق ورىنداردا، قالانىڭ كريمينوگەندىك ايماقتارىندا، مەكتەپتەردىڭ جانىندا، تۇرعىن ۇيلەردىڭ اۋلالارىندا ورناتىلعان. كامەرالاردىڭ ورنالاساتىن جەرىن قالانىڭ پوليسيا دەپارتامەنتى تەك جول-كولىك وقيعالارى مەن ونداعى ادام ءولىمى بويىنشا عانا ەمەس، قوعامدىق ورىنداردا جاسالعان قىلمىستىق جانە اكىمشىلىك قۇقىق بۇزۋشىلىقتار بويىنشا دا جاعدايدى تالداۋعا بايلانىستى تاڭدايدى.
قازىرگى ۋاقىتتا جۇيەنى 575 «سەرگەك» ابك كەڭەيتۋ جوسپارلانۋدا (493 –جەلىلىك ۋچاسكەلەردە، 82 – جول قيىلىستارىندا). بۇل باستامانى جۇزەگە اسىرۋ الماتى جولدارىنداعى ءولىم-جىتىم دەڭگەيىن ودان ءارى 30%-عا تومەندەتۋگە جانە قالانىڭ، اسىرەسە، اپاتتى جول ۋچاسكەلەرىن تولىعىمەن جابۋعا مۇمكىندىك بەرەدى.
سونداي-اق بريفينگتە ماڭىزدى كورسەتكىشتەر ايتىلدى. الماتى پوليسيا دەپارتامەنتىنىڭ مالىمەتىنشە، 2022 جىلى «سەرگەك» جۇيەسى بويىنشا جالپى سوماسى 8،332 ملرد تەڭگەگە 1 136 670 قۇقىق بۇزۋشىلىق تىركەلگەن. 2022 جىلدىڭ جەلتوقسان ايىنداعى جاعداي بويىنشا جالپى سوماسى 997،2 ملن تەڭگەگە 85 442 قۇقىق بۇزۋشىلىق تىركەلدى.
وتكەن جىلدىڭ دەرەكتەرىن الاتىن بولساق، جۇيە كۇنىنە ورتا ەسەپپەن 3000-نان استام جول ەرەجەسىن بۇزۋدى تىركەيدى.
قازىرگى ۋاقىتتا الماتىدان باسقا قازاقستاننىڭ جەتى قالاسىندا «سەرگەك» جۇيەسى جۇمىس ىستەيدى: استانا، وسكەمەن، اتىراۋ، شىمكەنت، تۇركىستان، تاراز، سەمەي.