داۋىس بەرۋ پۋنكتى رەپۋبليكالىق دوستىق ۇيىنەن اشىلدى.
بۇگىن الماتى قالاسىندا ق ر پارلامەنتىنىڭ سەناتىنا دەپۋتاتتار سايلاۋى ءوتتى. ساياسي ءىس-شاراعا قالالىق ءماسليحات دەپۋتاتتارى، قالانىڭ اۋماقتىق سايلاۋ كوميسسياسى مۇشەلەرi، كانديداتتاردىڭ سەنىم بىلدىرىلگەن ادامدارى، ساياسي پارتيالار مەن قوعامدىق بىرلەستىكتەردىڭ بايقاۋشىلارى، سونداي-اق بۇقارالىق اقپارات قۇرالدارىنىڭ وكىلدەرى دە قاتىستى، دەپ حابارلايدى اlmaty-akshamy.kz
داۋىس بەرۋ پۋنكتى رەسپۋبليكالىق دوستىق ۇيىنەن اشىلدى. تاڭداۋشىلارعا كانديداتتار جايلى اقپاراتتار بەرۋ ءۇشىن ولار تۋرالى مالىمەتتەر مەن سۋرەتتەر ءبىرىڭعاي فورماتتا دايىندالىپ، داۋىس بەرۋ پۋنكتىنە كىرە بەرىستەگى ستەندتەرگە ىلىنگەن.
سايلاۋعا الماتى قالاسىنان جوعارى پالاتاعا سايلاناتىن ءبىر سەناتورلىق ورىن ءۇشىن ءوزىن-وزى ۇسىنۋ جولىمەن ءتورت كانديدات قاتىستى. بارلىعى – ايەل ازاماتتار. الماتى قالاسىنىڭ سايلاۋ كوميسسياسى زاڭ تالاپتارى شەڭبەرىندە قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا كانديدات رەتىندە «الماتى مەملەكەتتىك سەرۆيس جانە تەحنولوگيالار كوللەدجى» مكقك ديرەكتورى جانيازوۆا جارقىن لەپەسقىزىن، «Youthart» قق ديرەكتورى بەكمۋرزايەۆا كريستينا يۋريەۆنانى، الماتى قالاسى جەتىسۋ اۋدانىنىڭ اكىمى كوكەبايەۆا گۇلنار احمەتجان قىزى مەن «الماتى قالاسىن دامىتۋ ورتالىعى» اق باسقارما ءتوراعاسىنىڭ كەڭەسشىسى اسانوۆا جاننا بەيسەنتايقىزىن تىركەگەن بولاتىن.
ولاردىڭ بىرەۋى - مەملەكەتتىك كوممۋنالدىق كاسىپورىننىڭ قىزمەتكەرى، ءبىر كانديدات - مەملەكەتتىك قىزمەتشى، بىرەۋى - كوممەرسيالىق قۇرىلىمداردىڭ قىزمەتكەرى جانە تاعى بىرەۋى - قوعامدىق ۇيىم وكىلى. ماماندىقتارى بويىنشا: 2 زاڭگەر، 1 ينجەنەر، 1 ونەر سالاسىنىڭ مامانى، اتاپ وتەرلىگى، ءبىر كانديداتتىڭ ەكى ماماندىعى بار. ۇمىتكەرلەردىڭ ورتاشا جاسى - 45.
تاڭداۋشىلاردىڭ بىرلەسكەن وتىرىسىنان كەيىن الماتى قالاسى ءماسليحاتىنىڭ 38 دەپۋتاتىنىڭ 37-cءى جاناما سايلاۋ قۇقىعى نەگىزىندە جاسىرىن داۋىس بەردى. داۋىس بەرۋ اياقتالعاننان كەيىن اۋماقتىق سايلاۋ كوميسسياسى بىردەن ولاردى ساناپ، حاتتاما تولتىردى.
داۋىس بەرۋ ناتيجەلەرiن الماتى قالاسى سايلاۋ كوميسسياسىنىڭ ءتوراعاسى ايگۇل قالىقوۆا جاريالادى. الماتى قالاسىنان قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا سايلاۋ بويىنشا كانديداتتار ج.اسانوۆا 23، گ.كوكەبايەۆا 8، ك.بەكمۋرزايەۆا 3، ج.جانيازوۆا 2 داۋىس الدى. ءبىر دەپۋتات بارىنە قارسى داۋىس بەردى.
داۋىس بەرۋدىڭ ناتيجەلەرى تۋرالى حاتتاما ورتالىق سايلاۋ كوميسسياسىنا جونەلتىلدى. سونداي-اق بەكىتىلگەن رەگلامەنتكە سايكەس، داۋىس بەرۋدىڭ الدىن الا قورىتىندىلارى تۋرالى مالىمەتتەر قازاقستان رەسپۋبليكاسى ورتالىق سايلاۋ كوميسسياسىنىڭ ەلەكتروندى فۋنكسيونالىنا ەنگىزىلدى.