الماتى قالاسىندا سەيسميكالىق قاۋىپسىزدىكتى ارتتىرۋ ماقساتىندا ارنايى باعدارلاما ازىرلەنەدى. بۇل تۋرالى Aqshamnews.kz سايتى حابارلايدى.
باعدارلاما اياسىندا قالاداعى عيماراتتاردىڭ ەيسميكالىق قاۋىپسىزدىكتى كۇشەيتۋ ءۇشىن 14 ميلليارد تەڭگە بولىنەدى. بۇل قارجى عيماراتتاردى سەيسمولوگيالىق تۇرعىدان نىعايتۋعا، جەر سىلكىنىسىنە توزىمدىلىگىن ارتتىرۋعا باعىتتالادى.
سەيسميكالىق قاۋىپسىزدىك بويىنشا جۇمىستار:
- قالاداعى عيماراتتارعا پاسپورتيزاسيا جۇرگىزىلەدى. بۇل ولاردىڭ سەيسميكالىق جاعدايىن انىقتاپ، قاۋىپ-قاتەر دەڭگەيىن باعالاۋعا مۇمكىندىك بەرەدى.
- باعدارلاما جاپونيا، اقش جانە يزرايل تاجىريبەسىنە سۇيەنە وتىرىپ جاسالادى.
ءبىلىم بەرۋ مەكەمەلەرىندەگى شارالار:
2025 جىلعا دەيىن ءۇش مەكتەپتىڭ سەيسميكالىق بەرىكتىگىن ارتتىرۋ جۇمىستارى اياقتالماق. سونىمەن قاتار، جەتى بالاباقشا مەن №50 ليسەيدە دە وسىنداي جۇمىستار باستالادى.
قوسىمشا قاۋىپسىزدىك شارالارى:
- قالالىق بيۋدجەتتەن 168،8 ميلليون تەڭگە ءبولىنىپ، ىقتيمال كوشكىندەر مەن وپىرىلۋلارعا باعا بەرۋ جۇمىستارى جۇرگىزىلەدى.
- 70 جاڭا سەيسميكالىق ستانسيا ورناتۋ جوسپارلانىپ وتىر. بۇل جەر سىلكىنىسى تۋرالى ەرتە حابارلاۋ جۇيەسىن جاقسارتۋعا سەپتىگىن تيگىزەدى.
بۇل شارالار الماتى قالاسىنىڭ سەيسميكالىق قاۋىپسىزدىگىن نىعايتىپ، تۇرعىنداردىڭ قاۋىپسىزدىگىن قامتاماسىز ەتۋگە باعىتتالعان.