«ادەم» ساۋدا ۇيىنە جارىلعىش زات قويىلعانى تۋرالى اقپارات تارادى.
الماتى قالاسىندا «ادەم» ساۋدا ۇيىنە جارىلعىش زات قويىلعانى تۋرالى حابارلامادان كەيىن عيماراتتان ادامدار شۇعىل ەۆاكۋاسيالاندى، دەپ حابارلايدى دەپ حابارلايدى اlmaty-akshamy.kz قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
بۇگىن تاڭعى ساعات 09:59 شاماسىندا جەدەل باسقارۋ ورتالىعىنا «ادەم» ساۋدا ۇيىنە جارىلعىش زات قويىلعانى تۋرالى حابارلاما تۇسكەن.
«قالانىڭ جەدەل جانە توتەنشە جاعدايلار قىزمەتتەرى العاشقى دەن قويۋ شارالارى اياسىندا عيماراتتا تەكسەرۋ جۇرگىزدى. كەلۋشىلەر مەن ساۋدا ءۇيىنىڭ قىزمەتكەرلەرى ەۆاكۋاسيالاندى»، - دەپ حابارلادى الماتى قالالىق پوليسيا دەپارتامەنتىنىڭ رەسمي وكىلى سالتانات ازىربەك.
بەلگىلى بولعانىنداي، عيماراتتى تەكسەرۋ كەزىندە جارىلىس قۇرىلعىلارى تابىلعان جوق.
«ءقازىر پوليسيا جارىلعىش زات قويىلعانى تۋرالى جالعان حابار تاراتقان ادامدى انىقتاپ جاتىر. ول قىلمىستىق جاۋاپقا تارتىلادى»، - دەدى سالتانات ازىربەك.