12 قاڭتارداعى جاعداي بويىنشا، الماتى قالاسىندا 149 ءىرى جانە ورتا سۋپەرماركەتتەردىڭ 120-سى جۇمىس ىستەيدى (80،5%). تارتىپسىزدىك بارىسىندا ءىرى ساۋدا جەلىلەرىنىڭ 31 وبەكتىسى زارداپ شەكتى ("ماگنۋم" - 19، “تويمارت" - 11، “ينتەرفۋد" - 1). بۇگىندە بارلىق 52 ساۋدا بازارى جۇمىس ىستەيدى. بازارلار اراسىندا زارداپ شەككەن نىساندار انىقتالعان جوق، دەپ حابارلايدى اlmaty-akshamy.kz
220 جانار-جاعارماي قۇيۋ بەكەتتەرىنىڭ (ججقب) 127ء-سى اشىلدى (58%). 13 قاڭتاردان باستاپ قوسىمشا 33 جەلىلىك ەمەس جەكە ججقب (15%) اشۋ جوسپارلانۋدا. جانار-جاعارماي قۇيۋ بەكەتتەرىنىڭ 74 نىسانى زارداپ شەكتى، ونىڭ 14ء-ى قالپىنا كەلتىرىلىپ، جۇمىس ىستەۋدە.
قالادا 93 ءىرى ساۋدا وبەكتىسى بار (سوسو، سو، ءسۇ). 11 قاڭتاردان باستاپ 6 سوسو (“گلوبۋس"، "سپۋتنيك"، "ريتس پالاس"، "الما-اتا"، "گراند پارك"، "الماتى مولل")، سونداي-اق 60 سو جانە ت.ب. ىسكە قوسىلدى. 12 قاڭتاردان باستاپ 8 سوو اشۋ جوسپارلانۋدا ("دوستىق پلازا"،" مەگا پارك"،" مەگا الما-اتا"،" اتاكەنت مولل"،" مارت"،" سيلكۋەي سيتي"،" الاتاۋ"،"ادك"). 17 نىسان ("ماسكەۋ"، "مبو"، "ازيا پارك"، "المالى"، "ماكسيما"، "اسىل" سو، "نۇر" ءسۇ، "الما-اتا" ءسۇ، "ارەنا" ءسۇ، "دوميلليون" ءسۇ، "12 اي" ءسۇ، "پرومەناد" ءسۇ، "پاسساج" ءسۇ، "مەگاتاۋ" ءسۇ، "مەرەي" ءسۇ، "موبيل" ءسۇ، "سيتي سەنتر"ءسۇ) قايتا جاڭارتىلۋعا جاتادى. "ەسەنتاي مولل"، "فورۋم" سوسو قالاداعى جاعدايدىڭ تۇراقتانۋىن كۇتۋدە، سودان كەيىن كەلۋشىلەر ءۇشىن اشىق بولادى.
بۇگىنگى كۇنى 3،2 مىڭ قوعامدىق تاماقتانۋ وبەكتىلەرىنىڭ 1،5 مىڭى جۇمىس كەستەسىمەن ساعات 09.00-دەن 18.00-گە دەيىن، ءتج-نىڭ سوڭىنا دەيىن سپيرتتىك ىشىمدىكتەردى ساتپاي اشىلدى. 39 قوعامدىق تاماقتانۋ نىسانى زارداپ شەكتى.
بۇگىندە 120 كاسىپورىننىڭ 82ء-ى جۇمىس ىستەيدى. 19 قاڭتارعا دەيىن 38 كاسىپورىندى ىسكە قوسۋ جوسپارلانۋدا.