الماتى قالاسىنىڭ اۋەزوۆ اۋدانىنداعى «سارىارقا» بازارىندا «ساپالى ءونىم» جانە جاڭا زاڭ جوبالارىنىڭ نورمالارى بويىنشا تۇسىندىرمە جۇمىستارىن جۇرگىزۋ بويىنشا جىلجىمالى ءموبيلدى زاڭ قىزمەتىنىڭ جۇمىسى ۇيىمداستىرىلدى، دەپ حابارلايدى Almaty-akshamy.kz.
ماقساتى – تۇرعىندارعا تۇتىنۋشىلىق قۇقىقتارىن قورعاۋ ماسەلەلەرى بويىنشا زاڭگەرلىك كەڭەستەر بەرۋ.
جىلجىمالى ءموبيلدى زاڭ قىزمەتىنىڭ مۇشەلەرى تۇسىندىرمە بارىسىندا «ساپالى ءونىم» جوباسىنىڭ باستى مىندەتى ىشكى نارىقتا ازىق-تۇلىك ونىمدەرىنىڭ قاۋىپسىزدىگىن قامتاماسىز ەتۋگە باعىتتالعانىن جانە جاڭا زاڭ جوباسى قوعامنىڭ ءومىر ءسۇرۋ ساپاسىن ارتتىرۋعا، تۇتىنۋشىلاردىڭ قۇقىقتارىن قورعاۋ ماسەلەلەرىندە ۇكىمەتتىك ەمەس ينستيتۋتتاردىڭ ءرولىن كۇشەيتۋگە باعىتتالعانىن حالىق نازارىنا جەتكىزدى.
ءوز كەزەگىندە بازار تۇتىنۋشىلارى دا ءوز سۇراقتارىن قويىپ، پىكىرلەرىمەن ءبولىستى.
«بۇل جوبا الماتى قالاسى قوعامدىق دامۋ باسقارماسىنىڭ مەملەكەتتىك الەۋمەتتىك تاپسىرىسى نەگىزىندە جانە الماتى قالاسى بويىنشا ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتىنىڭ باعىت بەرۋىمەن جۇزەگە اسىرىلۋدا. ءموبيلدى زاڭ قىزمەتى اي سايىن قالانىڭ ءار اۋدانىنداعى بازارلار مەن ساۋدا ورتالىقتارىندا بولىپ، حالىققا تۇتىنۋشىلىق قۇقىقتارىن قورعاۋ ماسەلەلەرى بويىنشا زاڭگەرلىك كەڭەستەر بەرەدى»، - دەيدى جوبا جەتەكشىسى، حالىقارالىق «جاناشىر» قوعامدىق قورىنىڭ پرەزيدەنتى جاڭىل اپەتوۆا.