الماتى سانيتارلىق قاۋىپسىزدىكتى ساقتاۋ جانە جۇقپالى اۋرۋلاردىڭ تارالۋىنىڭ الدىن الۋ بويىنشا بەلسەندى جۇمىس جۇرگىزۋدە. 2024 جىلى قالادا سۋ، اۋا مونيتورينگى جانە قوعامدىق ورىنداردى دەزينفەكسيالاۋدى قامتيتىن ەپيدەمياعا قارسى اۋقىمدى ءىس-شارالار وتكىزىلدى. بۇل تۋرالى الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى قاسىمحان الپىسباي ۇلى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا حابارلادى، دەپ حابارلايدى aqshamnews.kz
«الماتى كەنە ەنسەفاليتىنىڭ ەندەميكالىق ايماعىندا ورنالاسقان، سوندىقتان ساياباقتاردى، ورمان القاپتارى مەن سۋ ايدىندارىن وڭدەۋگە ەرەكشە كوڭىل بولىنەدى»، - دەدى الماتىنىڭ باس مەملەكەتتىك سانيتارلىق دارىگەرى.
ونىڭ ايتۋىنشا، پروفيلاكتيكا اياسىندا 4 733 گەكتار اۋماقتا ورمان القاپتارى مەن ساياباقتاردى وڭدەۋ جۇمىستارى جۇرگىزىلدى. بەزگەك ماسالارىمەن كۇرەسۋ ءۇشىن 74،4 گەكتار سۋ قويماسى وڭدەلدى. قولدانىلعان «دەلتەكس» پرەپاراتى 100% تيىمدىلىك كورسەتتى.
سونداي-اق قاسىمحان الپىسباي ۇلى الماتىدا تۇرعىنداردىڭ سانيتارلىق قاۋىپسىزدىگىن قامتاماسىز ەتۋ جۇمىستارى جالعاسىپ جاتقانىن اتاپ ءوتتى. 2024 جىلى 16 مىڭ نىسان باقىلاۋدا بولسا، ونىڭ 5930-ى ەپيدەميولوگيالىق ماڭىزى جوعارى.
«ءبىزدىڭ قىزمەتتەرىمىز ىقتيمال ىندەتتەردىڭ الدىن الۋ جانە الماتىلىقتاردىڭ ءومىر سۇرۋىنە ءقاۋىپسىز جاعداي جاساۋ ءۇشىن تاۋلىك بويى جۇمىس ىستەيدى. ءبىز قالاداعى كاسىپورىندارعا، سۋ قويمالارىنا جانە اۋاعا قاتاڭ سانيتارلىق باقىلاۋ جۇرگىزەمىز»، - دەدى قاسىمحان الپىسباي ۇلى.
قابىلدانعان شارالاردىڭ ارقاسىندا الماتىداعى ەپيدەميولوگيالىق جاعداي تۇراقتى، ال ينفەكسياسىنىڭ كوپشىلىگىمەن سىرقاتتانۋشىلىق دەڭگەيى رەسپۋبليكالىق كورسەتكىشتەن تومەن. قابىلدانعان شارالاردىڭ ارقاسىندا الماتىداعى ەپيدەميولوگيالىق جاعداي تۇراقتى، ال ينفەكسيالاردىڭ كوپشىلىگىمەن سىرقاتتانۋ دەڭگەيى ورتاشا، ياعني رەسپۋبليكالىق دەڭگەيدەن تومەن بولىپ وتىر.