الماتىدا ساموكات مىنگەن ەكى ەر ادام جولعا سىيماي، توبەلەسىپ قالدى. جەلىدە وقيعانىڭ ۆيدەوسى تارادى، - دەپ حابارلايدى Aqshamnews.kz ءتىلشىسى.
وقيعاعا قاتىستى نە بەلگىلى؟
ساموكات مىنگەندەردىڭ توبەلەسى تۇسىرىلگەن ۆيدەو الەۋمەتتىك جەلىلەردە پايدا بولدى. وندا ەكى ەر ادام جاياۋ جۇرگىنشىلەر جولىندا بىر-بىرىمەن سوعىلىپ قالا جازداعانى كورىنەدى. وقيعا جانجالعا ۇلاسىپ، كەيىن ەر ادامدار جۇدىرىقتاسىپ كەتەدى.
پوليسيا پىكىرى
الماتى پوليسيا دەپارتامەنتى جانجالداسقاندار ىزدەستىرىلىپ جاتقانىن ايتتى.
"جاياۋ جۇرگىنشىلەر جولىندا توبەلەسكەندەر ۇستالىپ، زاڭنىڭ قاتاڭ تالابىنا سايكەس جاۋاپقا تارتىلادى. ءارقايسىنىڭ ارەكەتىنە قۇقىقتىق باعا بەرىلەدى. مۇنداي ءتارتىپبۇزۋشىلىقتارعا جول بەرۋگە بولمايدى دەپ سانايمىز"، – دەپ مالىمدەدى پوليسيا وكىلدەرى.
ەسكە سالايىق، 11 قىركۇيەكتە الماتىدا قازاننىڭ اياعىنا دەيىن ەلەكترساموكاتتارعا ارنالعان پيلوت تۇراقتار ىسكە قوسىلاتىنى بەلگىلى بولدى.