الماتىدا سوت شەشىمىمەن بۇگىن وڭداسىنوۆ كوشەسى، 37/12 مەكەنجايىندا ورنالاسقان قۇرىلىس نىسانى سوت ورىنداۋشىلارىنىڭ قاتىسۋىمەن بۇزىلا باستادى.
بۇل تۋرالى الماتىنىڭ قالا قۇرىلىسىن باقىلاۋ باسقارماسى حابارلادى.
جارتىلاي سالىنعان قۇرىلىس نىسانى بىرنەشە جىل بويى قاراۋسىز قالعان. تەكسەرىس ناتيجەسىندە عيماراتتىڭ قاتتى توزعانى، كورروزياعا ۇشىراعانى انىقتالىپ، ونى بۇزۋ قاجەت دەگەن شەشىم قابىلدانعان.
بۇعان دەيىن باسقارما تاراپىنان مەنشىك يەسىنە (جەكە تۇلعا) كۇردەلى پىشىندەگى تەمىربەتون قۇرىلىمىن بۇزۋ ارقىلى انىقتالعان زاڭبۇزۋشىلىقتاردى جويۋ جونىندە نۇسقاما بەرىلگەن بولاتىن.
الايدا نۇسقامادا كورسەتىلگەن تالاپتار ورىندالماعاندىقتان، 2024 جىلى 29 قاڭتاردا باسقارما بوستاندىق اۋداندىق سوتىنا ماجبۇرلەپ ورىنداتۋ تۋرالى تالاپ ارىز جولداعان.
2024 جىلى 27 مامىردا سوت باسقارمانىڭ تالاپ ارىزىن قاناعاتتاندىردى. سودان كەيىن ءىس ادىلەت دەپارتامەنتىنە ورىنداۋعا بەرىلدى.