الماتى قالاسىنىڭ ساين كوشەسىن ۇزارتۋ ارقىلى مومىش ۇلى كوشەسىنىڭ كولىك جۇكتەمەسى 30%-عا ازايادى. الماتى اكىمى ەربولات دوسايەۆ الاتاۋ اۋدانىنىڭ جول ينفراقۇرىلىمىن دامىتۋ قارقىنىمەن تانىسىپ، ساين مەن موڭكە بي كوشەلەرىنىڭ قيىلىسىنداعى جولايرىق جانە رىسقۇلوۆ داڭعىلىنان سالىنىپ جاتقان جولايرىققا دەيىنگى ساين كوشەسىن تەسۋدىڭ ماڭىزدىلىعى تۋرالى اقپارات الدى، دەپ حابارلايدى almaty-akshamy.kz
جولايرىق جوباسىنىڭ ماڭىزدىلىعى
"بەدە جاپىراعى" تيپىندەگى جولايرىقتىڭ ىسكە قوسىلۋى باكادقا شىعۋ كەزىندە ەكى ۇلكەن ماگيسترالعا كولىك جۇكتەمەسىن ازايتۋعا مۇمكىندىك بەرەدى. جوبادا ۇزىندىعى 2،3 كم بولاتىن تروتۋارلار مەن ۆەلوجولداردى ورناتۋ كوزدەلگەن. قازىرگى ۋاقىتتا ينجەنەرلىك جەلىلەردى شىعارۋ، توننەل مەن رامپانى بەتونداۋ، سەزدەردى ورناتۋ، جارىقتاندىرۋ، اسفالتتاۋ جانە اباتتاندىرۋ جۇمىستارى جۇرگىزىلۋدە.
رىسقۇلوۆ داڭعىلىنان ساين كوشەسىنە دەيىنگى جۇمىستار
ۇزىندىعى 3،2 كم بولاتىن رىسقۇلوۆ داڭعىلىنان ساين كوشەسى بويىندا سالىنىپ جاتقان جولايرىققا دەيىنگى باعىتتاعى تەسۋ جۇمىستارى جالعاسۋدا. بۇل جوبا مومىش ۇلى كوشەسىنىڭ كولىك جۇكتەمەسىن 30%-عا تومەندەتىپ، رىسقۇلوۆ داڭعىلىنىڭ وڭتۇستىگى مەن موڭكە بي كوشەسىنىڭ سولتۇستىگىندەگى ساين كوشەسىنىڭ ۋچاسكەلەرىن قوسۋعا ارنالعان.
جوبا جايلى ماڭىزدى مالىمەتتەر
جولدى ءار باعىت بويىنشا تروتۋارلار مەن ۆەلوسيپەد جولدارىمەن ءۇش جولاق سالۋ جوسپارلانۋدا. قازىرگى ۋاقىتتا 66 جەر ۋچاسكەسىنىڭ 65ء-ى ساتىپ الىندى، ينجەنەرلىك جەلىلەردى قايتا قۇرۋ، جەر توسەمىنىڭ، تروتۋارلار مەن ۆەلوجولداردىڭ نەگىزىن سالۋ بويىنشا جۇمىستار جۇرگىزىلۋدە. جوبانىڭ اياقتالۋى اعىمداعى جىلدىڭ سوڭىنا دەيىن جوسپارلانعان.
الماتى اكىمى ەربولات دوسايەۆ نىساندارداعى جۇمىستاردى جەدەلدەتىپ، شىلدە ايىنىڭ سوڭىندا جولايرىعىندا كولىك قوزعالىسىن اشۋدى تاپسىردى.