الماتىدا سايلاۋ كوميسسياسىنىڭ مۇشەلەرى تاعايىندالدى

بارلىعى دايىندىقتان وتكەن.

الماتىداعى بارلىق سايلاۋ ۋچاسكەلەرى رەسپۋبليكالىق رەفەرەندۋمعا دايىن. بۇل تۋرالى بريفينگ بارىسىندا الماتى قالالىق رەفەرەندۋم كوميسسياسىنىڭ ءتوراعاسى جاننا اسانوۆا ءمالىم ەتتى، دەپ حابارلايدى Almaty-akshamy.kz.

سپيكەردىڭ سوزىنشە، سايلاۋ ۋچاسكەلەرىندەگى دايىندىق جۇمىستارى تولىق اياقتالدى. سايلاۋ كوميسسياسىنىڭ مۇشەلەرى تاعايىندالدى. رەفەرەندۋم وتەتىن كۇنى ولار كەزەكشىلىكتە بولادى.

 «بۇرىن سايلاۋ ۋچاسكەلەرىندە كوميسسيا قۇرامىندا جەتى ادام بولسا، ءقازىر سايلاۋ ۋچاسكەلەرىندە تىزىمگە ەنگىزىلگەن سايلاۋشىلاردىڭ سانىنا قاراي 5-11 ادام كوميسسيا مۇشەسى بولا الادى. الماتى سايلاۋ ۋچاسكەلەرىندە بۇل ورتاشا ەسەپپەن 7-9 ادام. كوميسسيا مۇشەلەرىنىڭ بارلىعى دايىندىقتان ءوتىپ، تارتىپسىزدىك بولا قالعان جاعدايدا ونى قالاي رەتتەۋ كەرەكتىگىن بىلەدى»، - دەدى جاننا اسانوۆا.

سونىمەن قاتار، بريفينگ بارىسىندا جۋرناليستەر: "ءبىرىنشى بولىپ داۋىس بەرگەن ازاماتتارعا ىنتالاندىرۋ سىيلىقتارى قاراستىرىلعان با؟" - دەگەن ساۋال قويدى.

«جوق. الايدا، دەمەۋشىلەر تاراپىنان سايلاۋشىلارعا ەستەلىك سىيلىقتار تابىستاۋ باستاماسى بولسا، نەگە بولماسقا؟ كاسىپكەرلەر جارمەڭكە، فوتوايماقتار، كونسەرتتەر تۇرىندە مادەني ءىس-شارالار ۇيىمداستىرۋى مۇمكىن. ويتكەنى، ءقازىر جاز، دەمالىس ەكەنىن ەسكەرۋىمىز كەرەك. قالا كولەمىندە باسقا دا ءتۇرلى شارالار تۇراقتى تۇردە وتكىزىلىپ تۇرادى. ءبىراق مۇنىڭ رەفەرەندۋمعا ەش قاتىسى جوق. بۇل ءىس-شارالارعا ۋچاسكەلىك كوميسسيالار قاتىسپايدى»، - دەدى سپيكەر. بۇعان دەيىن مەگاپوليستە 574 ۋچاسكە دايىندالعانى تۋرالى جازعان بولاتىنبىز.