وڭىرلىك كوممۋنيكاسيالار الاڭىندا الماتى قالاسىنىڭ اۋماقتىق سايلاۋ كوميسسياسىنىڭ ءتورايىمى ايگۇل قالىقوۆانىڭ قاتىسۋمەن بريفينگ ءوتتى.
سپيكەر جۋرناليستەرگە وسك وتىرىسىندا داۋىس بەرۋگە ارنالعان بيۋللەتەنگە ساياسي پارتيالاردىڭ اتاۋلارىن ەنگىزۋ ءتارتىبى تۋرالى ماسەلەنىڭ قارالعانىن ايتتى، دەپ حابارلايدى Almaty-akshamy.kz.
جەرەبە تارتۋ قورىتىندىلارى بويىنشا پارتيالىق تىزىمدەر بويىنشا سايلاناتىن پارلامەنت ءماجىلىسىنىڭ دەپۋتاتتارىن سايلاۋدا ساياسي پارتيالاردىڭ اتاۋلارىن سايلاۋ بيۋللەتەنىنە ەنگىزۋ ءتارتىبى:
1. AMANAT پارتياسى؛
2. «اۋىل» پارتياسى؛
3. «Respublica» پارتياسى؛
4. قازاقستان حالىق پارتياسى؛
5. قازاقستاننىڭ «بايتاق» جاسىلدار پارتياسى؛
6. «اق جول» پارتياسى؛
7. جالپىۇلتتىق سوسيال-دەموكراتيالىق پارتيا.
بۇل ءتارتىپ پروپورسيونالدى جۇيە بويىنشا سايلاناتىن وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ ءماسليحاتتارىنىڭ دەپۋتاتتارىن سايلاۋدا پايدالانىلاتىن بولادى.
«بيۋللەتەنگە الماتى قالاسى بويىنشا تىركەۋدەن وتكەن 6 پارتيا ەنگىزىلگەن. الماتى قالاسى ءماسليحاتىنىڭ دەپۋتاتتارىن پارتيالىق تىزىمدەرمەن سايلاۋ بويىنشا 6 ساياسي پارتيانىڭ 153 كانديداتتان تۇراتىن پارتيالىق تىزىمدەرى ۇسىنىلدى. ولاردىڭ 149-ى تىركەلدى»، - دەپ حابارلادى ا.قالىقوۆا.
ونىڭ ايتۋىنشا، ساياسي پارتيالار قۇجاتتاردى سايلاۋ تۋرالى كونستيتۋسيالىق زاڭنىڭ تالاپتارىنا سايكەس ۇسىنادى. ءاربىر پارتيالىق تىزىمدە ايەلدەر مەن 29 جاسقا تولماعان ادامداردىڭ سانى كەمىندە 30 پايىزدى قۇرايدى.
الماتى قالاسى ءماسليحاتىنىڭ دەپۋتاتتارىن سايلاۋ بويىنشا ءبىرمانداتتىق اۋماقتىق سايلاۋ وكرۋگتەرى بويىنشا 210 كانديداتۋرا ۇسىنىلدى. 18.02.2023 جىلعى ساعات 18.00-دەگى جاعداي بويىنشا تىركەلگەندەر: 21 ءبىرمانداتتىق وكرۋگ بويىنشا 170 ۇمىتكەر.
بەلگىلى بولعانداي، ۇمىتكەرلەردىڭ 3-ەۋى ۇسىنىلعاننان كەيىن ءوز كانديداتۋرالارىن كەرى قايتارىپ العان، 34ء-ى تىركەۋ ءۇشىن قاجەتتى بارلىق قۇجاتتاردى ۇسىنباعان، تاعى ءبىر ادام كانيدات رەتىندە تىركەلۋدەن باس تارتقان، تاعى ەكى كانديدات تالاپتارعا ساي ەمەس دەپ تانىلدى.
ورتا ەسەپپەن ءبىر مانداتقا 8 ادامنان كەلەدى. ەڭ جوعارى باسەكەلەستىك - 12 وكرۋگتە 12 ادام. تىركەلگەن ۇمىتكەرلەردىڭ 134ء-ى ەر، 36-سى ايەل ادام.
ءبىر مانداتتى وكرۋگتەر بويىنشا الماتى قالاسىنىڭ ءماسليحاتىنا 125 ءوزىن - ءوزى ۇسىنۋشى تىركەلگەن، «AMANAT» پارتياسىنان 20 كانديدات، قحپ-3، «اق جول» قدپ-8، «RESPUBLICA» پارتياسى-2، «اۋىل» حدپپ-3، "قازاقستاننىڭ «بايتاق» جاسىلدار پارتياسى قب – 6 جانە قوعامدىق ۇيىمداردان 3 كانديدات تىركەلدى.
ەڭ جاس ۇمىتكەر 2002 جىلعى (20 جاستا)، ەڭ جاسى ۇلكەنى 1948 جىلى تۋعان (74 جاستا).
2023 جىلدىڭ 22 اقپانى ساعات 18.00-دەگى جاعداي بويىنشا، قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل تۋرالى زاڭناماسىنا سايكەس كانديدات نەمەسە ونىڭ جۇبايى (زايىبى) دەكلاراسيالاعان اكتيۆتەر مەن مىندەتتەمەلەر تۋرالى مالىمەتتەردىڭ دۇرىس ەمەستىگى دەكلاراسيا تاپسىرۋ كەزىندە انىقتالعاندىقتان ("قازاقستان رەسپۋبليكاسىنداعى سايلاۋ تۋرالى" قازاقستان رەسپۋبليكاسى كونستيتۋسيالىق زاڭى 89-بابىنىڭ 4-3-تارماعىنىڭ 4-تارماقشاسى) ءبىرمانداتتىق وكرۋگ بويىنشا ق ر پارلامەنتى ءماجىلىسى دەپۋتاتتىعىنا 3 كانديداتتى تىركەۋ تۋرالى شەشىم كۇشىن جويدى:
- № 3 وكرۋگ بويىنشا 1 كانديدات. وسىلايشا وندا 36 كانديدات قالدى.
- 2 كانديدات № 5 وكرۋگتىكى. ول جەردە 32 كانديدات قالدى.
جالپى ەسەپكە كەلەر بولساق، 104 كانديداتتىڭ 101ء-ى قالدى.
الماتى قالاسى ءماسليحاتىنىڭ دەپۋتاتتارىن ءبىرمانداتتىق اۋماقتىق سايلاۋ وكرۋگتەرى بويىنشا سايلاۋعا قاتىستى دا ۇقساس جاعداي بولىپ، (كونستيتۋسيالىق زاڭنىڭ 104 ب. 6-1 ت. 4 ت.). بىرنەشە كانديداتتاردى تىركەۋ تۋرالى شەشىم كۇشىن جويدى:
- 1 كانديدات № 7 وكرۋگتەن. وسىلايشا 11 كانديداتتان 10-ى قالدى.
- 1 كانديدات بولسا، № 17 وكرۋگتەن. ولاردا 9 بولسا، ءقازىر 8ء-ى قالدى.
بارلىعى 170 كانديداتتان 168ء-ى قالدى.