الماتىنىڭ المالى اۋدانىندا «حالىق قاتىساتىن بيۋدجەت» («حقب») باعدارلاماسى بويىنشا ءسابيت مۇقانوۆ اتىنداعى ساياباق اباتتاندىرىلدى، دەپ حابارلايدى aqshamnews.kz
تولە بي مەن مۇقانوۆ كوشەلەرىنىڭ قيىلىسىنداعى جايلى ءارى شاعىن سكۆەردە جاڭا بالالار ويىن الاڭى، ورىندىقتار مەن قوقىس جاشىكتەرى ورناتىلدى، سىرتقى جارىقتاندىرۋ جاڭعىرتىلىپ، جاڭا كوگالدارعا اۆتوماتتى سۋارۋ جۇيەسى تارتىلدى، جاياۋ جۇرگىنشىلەر ايماقتارى جاڭاردى.
سكۆەر سوڭعى رەت 2016 جىلى بيزنەستىڭ الەۋمەتتىك جاۋاپكەرشىلىگى اياسىندا جوندەلگەن.
ەسكەرتكىشتىڭ جانىنداعى باستى اللەياداعى اباتتاندىرىلعان سكۆەردە «ءسابيت مۇقانوۆ - ءسوز جانە قالام شەبەرى» اتتى كىتاپ كورمەسىنىڭ تۇساۋى كەسىلدى. جازۋشى جايلى ءسوز زەرگەرى، عالىمدار مەن مادەنيەتتانۋشىلار اڭگىمەلەدى. ءىس-شارانى «زەيىن» شىعارماشىلىق مەكتەبىنىڭ تاربيەلەنۋشىلەرى مۋزىكامەن سۇيەمەلدەپ، قولدادى. ال المالى اۋدانىنىڭ «شىڭعا ورلە، بيىككە سامعا» الەۋمەتتىك كلۋبىنىڭ وقۋشىلارى اتاقتى جازۋشىنىڭ ءبىزدىڭ سۇيىكتى الماتى قالاسىنا ارناعان ولەڭدەرىن وقىدى.
2024 جىلى «حقب» باعدارلاماسى اياسىندا المالى اۋدانىندا 12 قوعامدىق كەڭىستىك جاڭارتىلۋدا. ولاردىڭ ىشىندە جاياۋ جۇرگىنشىلەر ايماقتارى، سكۆەرلەر جانە جاسىل ايماقتار بار. «حقب» باعدارلاماسى اياسىندا بارلىعى 52 جوبا جۇزەگە اسىرىلۋدا. بۇل ماقسات ءۇشىن الماتى اكىمى ەربولات دوسايەۆتىڭ تاپسىرماسىمەن بيىل وسى باعدارلاما بويىنشا قارجىلاندىرۋ 2 ملرد تەڭگەگە دەيىن ۇلعايتىلدى.
