بۇل تۋرالى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتتى.
مينيستر ءوز ەركىمەن سالىنعان قۇرىلىستاردى زاڭداستىرۋ جانە ولاردى بۇزۋ تۋرالى ماسەلە زاڭنامامەن رەتتەلگەنىن جانە ول سوت تارتىبىمەن شەشىلەتىنىن اتاپ ءوتتى، دەپ حابارلايدى Almaty-akshamy.kz
سەناتتا ەلەكتر ەنەرگەتيكاسى، ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ، جەر قويناۋىن پايدالانۋ، جەرگىلىكتى مەملەكەتتىك باسقارۋ جانە مەملەكەتتىك شەكارا ماسەلەلەرى بويىنشا تۇزەتۋلەردى تالقىلاۋ كەزىندە دەپۋتات ولگا بۋلاۆكينا ييدم باسشىسىنا زاڭسىز سالىنعان قۇرىلىستار تۋرالى سۇراق قويدى.
«زاڭ جوباسىنا سايكەس قاجەتتى رۇقساتتامالارسىز سالىنعان جىلجىمايتىن مۇلىك تۋرالى ماسەلەلەردى شەشۋ ءۇشىن "الماتىنىڭ ەرەكشە مارتەبەسى تۋرالى" زاڭعا جەكەلەگەن وزگەرىستەر مەن تولىقتىرۋلار ەنگىزىلەدى، وندا جىلجىمايتىن مۇلىكتى رەسىمدەۋ ماسەلەلەرىن قاراۋ جونىندەگى اتقارۋشى ورگاندا كوميسسيا قۇرۋ كوزدەلەدى. جاقسى دەلىك، ءبىراق رۇقسات قۇجاتتارىنسىز سالىنعان جىلجىمايتىن مۇلىكتى تىركەۋ ماسەلەسى تەك وسى قالاعا عانا ەمەس، سونىمەن قاتار، باسقا دا ءىرى ەلدى مەكەندەرگە ءتان. مينيسترلىكتىڭ وسى ماسەلە بويىنشا قانداي جوسپارلارى بار؟» - دەپ سۇرادى سەناتور.
«اۋىلدىق ەلدى مەكەندەردە زاڭداستىرىلماعان قۇرىلىستار وتە كوپ. ءوز ەركىمەن سالىنعان قۇرىلىستار شامامەن 14 مىڭ بولادى»، - دەدى قايىربەك وسكەنبايەۆ.
مينيستر زاڭسىز قۇرىلىستار ماسەلەسى ءجيى كوتەرىلەتىنىن جەتكىزدى.