جەر ۋچاسكەسى يەسىنىڭ ۇستىنەن اكىمشىلىك حاتتاما تولتىرىلدى
الماتىدا رۇقسات ەتىلمەگەن ەكى قوقىس ءۇيىندىسى انىقتالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالالىق تۇرعىن ءۇي ساياساتى، قالالىق جاسىل ەكونوميكا باسقارماسى مەن الاتاۋ اۋدانىنىڭ تابيعات قورعاۋ پوليسياسىنىڭ قىزمەتكەرلەرى الاتاۋ اۋدانىندا ورنالاسقان «شاپاعات»، «شاڭىراق-2» شاعىن اۋداندارىندا ەكى اپاتتى قوقىس ورنىن انىقتادى.
«شاپاعات» شاعىن اۋدانىندا جەر ۋچاسكەسىنىڭ يەسىنە 20 اەك كولەمىندە اكىمشىلىك حاتتاما تولتىرىلىپ، مەنشىك يەسىنە 10 جۇمىس كۇنى ىشىندە قوقىستى شىعارىپ تاستاۋ تۋرالى كەپىلدىك حات بەرىلدى.
«ەكىنشى مەكەنجاي بويىنشا «شاڭىراق-2» شاعىن اۋدانىنداعى ۋچاسكە يەسىن انىقتاۋ بويىنشا جۇمىستار جۇرگىزىلىپ جاتىر»،-دەپ حابارلادى الماتى قالاسىنىڭ تۇرعىن ءۇي ساياساتى باسقارماسىنان.