الماتىدا «روزا باعلانوۆا» ميۋزيكلى وتەدى

روزا باعلانوۆانىڭ تۋعانىنا 100 جىل

حالىق قاھارمانى روزا باعلانوۆانىڭ 100 جىلدىق مەرەيتويىنا وراي «قازاقكونسەرت» ۇيىمىنا قاراستى «Astana Musical» مەملەكەتتىك تەاترى «روزا باعلانوۆا» اتتى جاڭا ميۋزيكلىن ورىندايدى،  دەپ حابارلايدى Almaty-akshamy.kz.

30 قاراشا «اlmaty Theatre» تەاترىندا وتەتىن كەشكە ءانشىنىڭ بالالىق جانە جاستىق شاعى، سونداي-اق، سوعىس جىلدارىنداعى قيىن تاعدىرى، اتى اڭىزعا اينالعان ءانشىنىڭ ومىرىندەگى وسىناۋ شەشۋشى كەزەڭدەرى ونىڭ ۇلكەن شىعارماشىلىق جولىنىڭ قالىپتاسۋىنا نەگىز بولدى. ءدال وسى تاريحي ساتتەر ميۋزيكلدە باياندالادى. 

روزا باعلانوۆانىڭ باسىنان وتكەن قيىندىقتارى مەن ءومىرى قيلى سىناقتارعا تولى، يگى ىستەرى مەن ەرەن جەتىستىكتەرى شىعارماشىلىعىنىڭ قايتالانباس الەمىن اشا الادى.

تەاتر ونەرىنىڭ زاماناۋي تەحنولوگيالارى، شىعارماشىلىق رەجيسسەرلىك، مۋزىكالىق جانە ەرەكشە حورەوگرافيالىق شەشىمدەر، 20 عاسىرداعى تانىمال اندەر جانە سوعىس جىلدارىنداعى ەرەكشە اتموسفەرا ەشكىمدى بەي-جاي قالدىرا المايدى.

ميۋزيكلدىڭ قويۋشى-رەجيسسەرى – «Astana Musical» مەملەكەتتىك تەاترىنىڭ كوركەمدىك جەتەكشىسى ەسلام نۇرتازين، قويىلىمنىڭ اۆتورلارى – ەفرات شاريپوۆ، شىڭعىس مامان، ايدىن ساحامان جانە ءانناس باعدات. كومپوزيتورى – ق ر ەڭبەك سىڭىرگەن قايراتكەرى – ارتۋر ورەنبۋرگسكيي، ساۋند ديزاينەر – اقجول ءومىرزاقوۆ.