استانا جانە قازاقستان ءميتروپوليتى الەكساندر الماتى قالاسىندا روجدەستۆو مەرەكەسىنە وراي وتەتىن ءدىني راسىمدەردىڭ باستالۋ ۋاقىتى تۋرالى ايتتى، دەپ حابارلايدى aqshamnews.kz
— قازاقستاندا يسلام ءدىنىنىڭ حانافي ءمازھابى مەن پراۆوسلاۆيەلىك حريستياندىقتىڭ مەرەكەلەرىن تويلاۋ ءداستۇرى ەجەلدەن قالىپتاسقان. يسا ءماسىحتىڭ تۋعان كۇنىن تويلاۋ كەزىندە ءبىز بەيبىتشىلىك پەن دوستىقتىڭ وركەندەۋىن، دۇشپاندىق پەن زۇلىمدىقتىڭ جويىلۋىن تىلەپ، دۇعا ەتەمىز، — دەدى ميتروپوليت.
الماتى قالاسىنداعى نەگىزگى روجدەستۆو قۇلشىلىقتارى 28 گۆاردياشى-پانفيلوۆشىلار اتىنداعى ساياباقتا ورنالاسقان ۆوزنەسەنسك كافەدرالى شىركەۋىندە وتەدى. مەرەكەلىك شارالار قاڭتاردىڭ 6-سىنان 7-سىنە قاراعان ءتۇنى ساعات 23:00-دە باستالادى.
كەرەك دەرەك
روجدەستۆو — حريستيان الەمىندەگى ەڭ باستى مەرەكەلەردىڭ ءبىرى. ول يسا ءماسىحتىڭ دۇنيەگە كەلۋىن اتاپ وتەدى. پراۆوسلاۆ شىركەۋىنىڭ داستۇرىنە ساي، مەرەكە 7 قاڭتاردا اتاپ وتىلەدى. مەرەكەلىك قۇلشىلىقتار، دۇعالار جانە جارىق شىراق جاعۋ راسىمدەرى بەيبىتشىلىك پەن مەيىرىمدىلىكتى دارىپتەۋگە باعىتتالعان.