الماتىدا ءى رەسپۋبليكالىق موبيلوگرافيا فەستيۆالىنىڭ جەڭىمپازدارى ماراپاتتالدى.
قازاقستان رەسپۋبليكاسى پرەزيدەنتى جانىنداعى «دارا» دارىندىلاردى قولداۋ قورى ۇيىمداستىرعان شاراعا 16 جاس پەن 40 جاس ارالىعىنداعى 7،5 مىڭنان استام قازاقستاندىق موبيلوگراف قاتىستى، دەپ حابارلايدى Almaty-akshamy.kz 24.kz-كە سىلتەمە جاساپ.
بايقاۋدىڭ ءبىرىنشى كەزەڭىندە 1537 جۇمىس قازىلاردىڭ ىرىكتەۋىنەن ءوتتى. ەكىنشى كەزەڭدە ساراپقا سالىنعان 100 بەينەروليكتەن ۇزدىك شىققان 20 جۇمىستىڭ اۆتورى نيۋ-يورك كينو ونەرى اكادەمياسىندا تاعىلىمدامادان وتۋگە جولداما الدى. ال 40 جەڭىمپاز اقشالاي سىيلىقپەن ماراپاتتالسا، تاعى 40 قاتىسۋشىعا موبيلوگرافيا كۋرسىن ونلاين وقۋعا مۇمكىندىك بەرىلدى. ۇزاقتىعى 2 مينۋتتىق بەينەروليكتەر «مادەنيەت پەن ءسالت-داستۇر»، «تۋريزم»، «ادامدار» تاقىرىبى بويىنشا ءتۇسىرىلدى. فەستيۆالدىڭ ماقساتى – جاستاردى قولداۋ، ولاردىڭ شىعارماشىلىق الەۋەتىن جۇزەگە اسىرۋ جانە قازاقستانداعى كرەاتيۆتى يندۋستريانى دامىتۋ.
«بارىنشا ساپالى تۇسىردىك. تارازدان بۇكىل جۇمىسىمىزدى تاستاپ، وسى جەرگە ارنايى كەلدىك. ءقازىر بىزدە موبيلوگرافتار تەلفونمەن ادەمى ۆيدەو تۇسىرگىسى كەلەدى. ءبىراق ولار تەلەفونمەن جاقسى قىلىپ تۇسىرە المايدى. ياعني، كوروتكومەتراجنىي رەكلامنىي ۆيدەوروليكتى قالاي جەتكىزۋ كەرەك، سونىڭ بارلىعىن مەن تەلەفونعا ءتۇسىرىپ، كورسەتە ءبىلدىم»، - دەيدى موبيلوگراف نازار سارسەن.
«بۇل جەردە پروديۋسەر، ۇيىمداستىرۋشى رەتىندە باستى ماقساتىم، جاستارعا ۇيىمداستىرۋ كەرەك، كىشكەنتاي ءبىر ارمان بولسىن دەگەن سياقتى. قارجىلاي جاعىنان بولسىن. جاقىندا نيۋ-يورك فيلم اكادەمياسىنىڭ رەكتورىمەن كەزدەسىپ، اۋىلدى جەرلەردەن، مىسالعا، نيۋ-يورككە بارىپ، سول جەردە وقىپ، جاڭاعى قوردىڭ دەمەۋشىلەرىنىڭ ارقاسىندا وسى جاستارىمىز ءوزىنىڭ ورتالارىن تابادى دەگەن وي بولدى»، - دەيدى «دارا» دارىندىلاردى قولداۋ قورىنىڭ پرەزيدەنتى نۇرلان قويانبايەۆ.