رەسپۋبليكا سارايىندا ەلىمىزدىڭ باستى ۇلتتىق مەرەكەسى – رەسپۋبليكا كۇنىنە ارنالعان مەرەكەلىك كونسەرت ءوتتى. ءىس-شاراعا الماتى اكىمى ەربولات دوسايەۆ، قوعامدىق كەڭەس مۇشەلەرى، ءماسليحات دەپۋتاتتارى، زيالى قاۋىم وكىلدەرى، دەنساۋلىق ساقتاۋ، ءبىلىم بەرۋ، مادەنيەت سالاسىنىڭ قىزمەتكەرلەرى جانە بۇگىن مەملەكەتتىك ناگرادالارمەن ماراپاتتالعان ازاماتتار قاتىستى، دەپ حابارلايدى aqshamnews.kz
كونسەرتتىڭ رەسمي ءبولىمى قازاقستان رەسپۋبليكاسىنىڭ مەملەكەتتىك تۋىن ساحناعا الىپ شىعىپ، ەلدىڭ ەڭبەك سىڭىرگەن قايراتكەرى تالعات كۇزەمبايەۆتىڭ مەملەكەتتىك ءانۇراندى ورىنداۋىمەن باستالدى.
باعدارلامادا SteppeSons توبى، كارينا ابدۋللينا، ARO جانە جۇبانىش جەكسەن ۇلى، جانار دوعالوۆا، ALPHA توبى جانە باسقا دا تانىمال ارتيستەر پاتريوتتىق اندەر ورىندادى. بەلگىلى دومبىراشى-كۇيشى اسىلبەك ەڭسەپوۆتىڭ «ماحاببات وزەنى» شىعارماسى بۇل جولى ەكى سكريپكا دۋەتىنىڭ سۇيەمەلدەۋىمەن ورىندالدى.
سونىمەن قاتار، بايعالي سەركەبايەۆ جاس ورىنداۋشى Kyle Ruh-پەن بىرگە جارىق شوۋ اياسىندا A’Studio توبىنىڭ اندەرىنەن پوپۋرري ايتتى. جاستاردىڭ كۋميرى سادراددين «مەلودراما» ءانىن شىرقاسا، اتى اڭىزعا اينالعان «دوس-مۇقاسان» توبى «الماتى ءتۇنى» جانە «قايداسىڭ؟» اتتى تانىمال حيتتەرىن ورىندادى. سونداي-اق، ساحنادا «Wake up» بالەتىنىڭ شىعارماشىلىق جانە بي قويىلىمدارى كورسەتىلىپ، وتانعا دەگەن ماحابباتتى بەينەلەدى.
كونسەرت قازاقستاننىڭ حالىق ءارتيسى روزا رىمبايەۆا مەن ەلدىڭ ەڭبەك سىڭىرگەن قايراتكەرى ءبىرجان حاسانعالييەۆتىڭ حوردىڭ سۇيەمەلدەۋىمەن ورىنداعان «اتامەكەن» انىمەن اياقتالىپ، كونسەرتتىڭ بارلىق قاتىسۋشىسى ساحناعا شىقتى.