2025 جىلى 25–27 قازان ارالىعىندا الماتىدا قازاقستان رەسپۋبليكاسىنىڭ كۇنىنىڭ 35 جىلدىق مەرەيتوي قۇرمەتىنە كەڭەيتىلگەن اۋىل شارۋاشىلىعى جارمەڭكەسى وتەدى، - دەپ حابارلايدى Aqshamnews.kz.
الماتىلىقتار مەن قالا قوناقتارى 4 وڭىردەن كەلگەن 15 اۋداننىڭ فەرمەرلەرى مەن اۋىل شارۋاشىلىعى تاۋارىن وندىرۋشىلەرىنەن جاڭا ءارى ساپالى ونىمدەردى قولجەتىمدى باعامەن تىكەلەي ساتىپ الا الادى. جارمەڭكە قازىبەك بي كوشەسىندە - ابىلاي حان داڭعىلىنان پانفيلوۆ كوشەسىنە دەيىنگى ارالىقتا ۇيىمداستىرىلىپ، تاڭعى 08:00-دەن كەشكى 17:00-گە دەيىن جۇمىس ىستەيدى.
ءىس-شارا اياسىندا 50-دەن استام تاۋار ءتۇرى ۇسىنىلادى. ولاردىڭ قاتارىندا ەت پەن ءسۇت ونىمدەرى، جەمىس-كوكونىستەر، شۇجىقتار، جارما، ۇن، وسىمدىك جانە جانۋار مايلارى جانە باسقا دا ونىمدەر بار. جالپى ساتىلىمعا شىعارىلاتىن ءونىم كولەمى شامامەن 400 توننا: ونىڭ ىشىندە 120 توننا - ەت ءونىمى، 100 توننا - كوكونىس پەن جەمىس، 50 توننا - ءسۇت ونىمدەرى، 130 توننا - باسقا دا تاۋارلار.