الماتىدا تاڭنان باستاپ قالا تۇرعىندارى رەفەرەندۋمعا بەلسەندى قاتىسىپ، سايلاۋ ۋچاسكەلەرىندە داۋىس بەرىپ جاتىر. ولاردىڭ قاتارىندا تانىمال مادەنيەت قايراتكەرلەرى، عالىمدار جانە ارتىستەر بار، دەپ حابارلايدى aqshamnews.kz.
قازاقستاننىڭ ەڭبەك سىڭىرگەن قايراتكەرى، كينو جانە تەاتر اكتريساسى، تەلەجۇرگىزۋشى قاراگوز سۇلەيمەنوۆا دا رەفەرەندۋمعا قاتىستى. اكتريسا №77 ورتا مەكتەپتە ورنالاسقان №414 سايلاۋ ۋچاسكەسىندە داۋىس بەردى.
قاراگوز سۇلەيمەنوۆا ەلىمىز ءۇشىن ماڭىزدى شەشىمدەر قابىلداۋ كەزىندە ازاماتتاردىڭ ءبىر كىسىدەي قاتىسۋى ماڭىزدى ەكەنىن اتاپ ءوتتى.
«ءارقايسىمىز وسىنداي ماڭىزدى ءىس-شارالارعا قاتىسۋىمىز كەرەك، ويتكەنى ول بالالارىمىزدىڭ بولاشاعىنا اسەر ەتەدى. رەفەرەندۋم ءار ازاماتقا پىكىرىن بىلدىرۋگە جانە تاڭداۋ جاساۋعا مۇمكىندىك بەرەدى»، - دەدى قاراگوز سۇلەيمەنوۆا.