الماتى پوليسياسىنىڭ گارنيزونى بۇگىندە التى مىڭنان استام ادامدى قۇرايدى.
قىزمەتىندە جوعارى كورسەتكىشتەرگە قول جەتكىزگەن، ءوز ءىسىنىڭ كاسىبي مامانى دەپ سانالعان پوليسيا قىزمەتكەرلەرى رەسپۋبليكا كۇنى مەرەكەسىنە وراي ماراپاتتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ىشكى ىستەر ءمينيسترىنىڭ جانە پد بۇيرىعىمەن قىزمەتتىك مىندەتتەرىن ادال اتقارىپ، جوعارى كورسەتكىشتەرگە قول جەتكىزگەنى ءۇشىن 170-تەن استام پوليسەي ماراپاتتالدى.
– ءاربىر پوليسيا قىزمەتكەرى قىلمىس پەن قۇقىق بۇزۋشىلىققا قارسى كۇرەستەگى زاڭدىلىقتى قاتاڭ ساقتاۋى قاجەتتىگىن ەستە ۇستاۋى كەرەك. بۇل ءبىزدىڭ كاسىبي پارىزىمىز جانە ونى ساپالى دەڭگەيدە ورىنداۋ بارشامىز ءۇشىن ابىرويلى بورىش. ءبىز ءقازىر دەپارتامەنتكە جۇكتەلگەن مىندەتتەردى ورىنداي وتىرىپ، قالاداعى ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋدى جالعاستىرۋىمىز كەرەك. بۇگىنگى كۇنى وسى ماقساتتارعا جەتۋ ءۇشىن بىزدە بارلىق قاجەتتى جاعدايلار مەن مۇمكىندىكتەر بار، – دەدى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ.
– مەملەكەتىمىزدىڭ قالىپتاسۋى مەن دامۋىنىڭ بۇكىل تاريحي جولى، ءوز ءومىرىن زاڭ مەن حالقىنا ايانباي، ادال قىزمەت ەتۋگە ارناعان ادامداردىڭ تاعدىرىمەن، سىزدەرمەن، قۇرمەتتى ارداگەرلەر، ۇزدىكسىز بايلانىستى. بارشاڭىزدى ۇلتتىق مەرەكەمەن قۇتتىقتاۋعا رۇقسات ەتىڭىزدەر! سىزدەرگە زور دەنساۋلىق، ۇزاق عۇمىر، وتباسىلىق باقىت، باق-بەرەكە، بەيبىت اسپان جانە مەملەكەتىمىزدىڭ گۇلدەنۋى جولىنداعى قيىن دا جاۋاپتى، ءبىراق ابىرويلى قىزمەتتە تابىس تىلەيمىن! – دەدى ارىستانعاني زاپپاروۆ.