قازاقستان پوليسياسى كۇنى قارساڭىندا جەتىسۋ اۋداندىق پوليسيا باسقارماسىندا قىزمەتتىك مىندەتىن اتقارۋ كەزىندە قازا تاپقان پوليسيا قىزمەتكەرلەرىن ەسكە الۋعا ارنالعان مونۋمەنت اشىلدى.
شاراعا الماتى قالالىق پد-نىڭ باسشىلىعى، جەكە قۇرام، ارداگەرلەر مەن قازا تاپقان پوليسەيلەردىڭ تۋىستارى قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قازاقستاننىڭ تاۋەلسىزدىك العان جىلدارىنان بەرى 80-نەن استام الماتىلىق ءتارتىپ ساقشىسى قىزمەتتىك مىندەتتەرىن اتقارۋ كەزىندە، ونىڭ 37ء-سى قىلمىسپەن ىمىراسىز كۇرەستە قازا تاپتى. ولار تۋىستارى مەن ارىپتەستەرىنىڭ ماڭگىلىك جادىندا. ءبىز قازاقستان رەسپۋبليكاسى ازاماتتارىنىڭ بەيبىت ءومىرى جولىندا جانىن قيعان ءاربىر قازا بولعان پوليسيا قىزمەتكەرىنىڭ بەينەسىن، يگى ىستەرى مەن ەرلىكتەرىن جادىمىزدا، جۇرەگىمىزدە ساقتايمىز. ولاردىڭ بارلىعى وتان الدىنداعى بورىشىن جانقيارلىقپەن، ادال اتقاردى. ولاردىڭ ەرلىگى مەن قاھارماندىعى قۇرمەتكە لايىق جانە ۇلگى بولماق»، – دەدى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ.
ەندى مونۋمەنت اياسىندا جاس قىزمەتكەرلەردىڭ انت قابىلداۋ راسىمدەرى وتكىزىلىپ، مەرەكە كۇندەرى وسىندا سالتاناتتى ءىس-شارالار وتكىزۋ جوسپارلانۋدا.
«قىلمىسقا قارسى كۇرەس جانە قۇقىق قورعاۋ سالاسىنداعى قىزمەتتىك بورىشىن ابىرويمەن اتقارۋعا دايىندىعى ىشكى ىستەر ورگاندارى قىزمەتكەرلەرىنىڭ كاسىبي ىس-ارەكەتىنەن ايقىن بايقالىپ تۇر. وسى ارالىقتا پوليسيا دەپارتامەنتى قازا بولعان قىزمەتكەرلەردىڭ وتباسىلارىنا جان-جاقتى قولداۋ، كومەك كورسەتۋدى جالعاستىرۋدا، الەۋمەتتىك-تۇرمىستىق ماسەلەلەردى شەشۋگە بەلسەنە اتسالىسىپ كەلەدى. ولار ماڭگى ءبىزدىڭ جۇرەگىمىزدە»، – دەدى ارىستانعاني زاپپاروۆ.