الماتىدا 25 اقپاندا Winter Run 2024 قىسقى مەرەيتويلىق جارىسى وتەدى
Winter Run 2024 – بۇل بيىل ونىنشى رەت وتەتىن ءارى 2024 جىلعى ءداستۇرلى ءبىرىنشى قىسقى جۇگىرۋ. اتالعان سپورتتىق ءىس – شارا 2024 جىلعى جۇگىرۋ ءىس-شارالارىنىڭ كۇنتىزبەسىن اشادى جانە 29 قىركۇيەككە جوسپارلانعان Almaty Marathon ۇلكەن ستارتىنا دايىندىق ىسپەتتى.
جارىسقا 10 جاستان باستاپ بارلىق نيەت ەتكەندەر قاتىسا الادى، 15 جاستان اسقاندار 10 كم جانە 7 كم سكانديناۆيالىق سەرۋەندەۋگە جانە 10 جاستان 14 جاسقا دەيىنگىلەر 3 كم بالالار قاشىقتىعىنا قاتىسا الادى. جارىستىڭ باستالۋى مەن اياقتالۋى ءال-فارابي داڭعىلىنداعى «نۇرلى تاۋ» بو-دان جوسپارلانعان.
مارە سىزىعىندا بارلىق سپورتشىلارعا ەستەلىك مەدال تابىس ەتىلەدى. 3 كم قاشىقتىقتاعى قىزدار مەن ۇلدار اراسىنداعى ءۇش جەڭىمپاز، سونداي-اق 10 كم جاس ساناتىنداعى جەڭىمپازدار مەدالدارمەن، گراموتالارمەن جانە سەرىكتەستەردىڭ سىيلىقتارىمەن ماراپاتتالادى. ايەلدەر مەن ەرلەر اراسىنداعى 10 كم قاشىقتىقتاعى ءابسوليۋتتى ەسەپتە جەڭىمپازدارعا نەگىزگى سىيلىقتاردان باسقا، اقشالاي سەرتيفيكاتتار بەرىلەدى.
Winter Run 2024 ۇيىمداستىرۋشىلارى: «ءبىرىنشى بولۋ – باتىلدىق» كورپوراتيۆتىك قورى، Krida فيتنەس-كلۋبى، اكادەميك ش.ەسەنوۆ اتىنداعى ءعىلىمي-بىلىم بەرۋ قورى جانە #سەن باسقاسىڭ مۋلتيسپورتتىق Youtube-ارناسى قولداۋىمەن. ءىس-شارا الماتى قالاسى اكىمدىگىنىڭ قولداۋىمەن وتكىزىلىپ جاتىر.
اعىمداعى جىلى الماتىدا ءداستۇرلى ماۋسىمدىق جارىستار جوسپارلانعان، ولار: Summer Run، City Run، Sora Almaty Run، Tau Jarys، Almaty Half Marathon جارتىلاي مارافونى، ۆەلوجارىس – Almaty city تۋرى جانە جىلدىڭ ەڭ كۇتىلەتىن وقيعاسى – Almaty Marathon. «Almaty Marathon»، «Almaty Half Marathon» جانە «Almaty Copa Run» سايتتارىندا تىركەلۋ ۇيىمداستىرۋشىلاردىڭ رەسمي سايتىندا قولجەتىمدى almaty-marathon.kz. ءىس-شارالار كۇنتىزبەسىمەن الماتى مارافونىنىڭ سايتىندا تانىسۋعا بولادى.
قوسىمشا اقپارات الۋ ءۇشىن حابارلاسىڭىز:
ۆاسيلينا اتويانس، «الماتى مارافونى» حالىقارالىق جۇگىرۋ ءىس-شاراسىنىڭ ۇيىمداستىرۋشىسى بولىپ تابىلاتىن «بءىرىنشى بولۋ- باتىلدىق» كورپوراتيۆتىك قورىنىڭ PR-مەنەدجەرى: +7 (727) 311-51-85، +7 (707) 401 43 79، prmanager@almaty-marathon.kz