بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگكە الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى دۋلات اشكەنوۆ ايتتى.
سپيكەردىڭ ايتۋىنشا، العاشقى جاۋعان قار كوممۋنالدىق قىزمەتتەردىڭ قىس ماۋىسىمىنا دايىن ەكەنىن، ءموبيلدى توپتاردىڭ كۇندەلىكتى كەزەكشىلىك جۇرگىزىپ وتىرعانىن كورسەتتى، دەپ حابارلايدى Almaty-akshamy.kz.
جولداردى قىستا كۇتىپ ۇستاۋ جۇمىستارى كۇزدە باستالاتىنىن ايتا كەتكەن ءجون. ول مەگاپوليس جولدارىندا قىسقى ۋاقىتتا كولىكتەردىڭ ۇزدىكسىز جانە ءقاۋىپسىز قوزعالىسىن قامتاماسىز ەتۋگە باعىتتالعان. بۇگىندە الماتىنىڭ كوممۋنالدىق قىزمەتتەرى تەحنيكامەن، ماتەريالدارمەن، تاجىريبەلى جول جۇمىسشىلارىمەن تولىق قامتاماسىز ەتىلگەن.
«كوشە جولدارى جەلىسىن كۇتىپ ۇستاۋمەن 10 مەردىگەر اينالىسادى. كوشەلەردى كۇتىپ ۇستاۋ كوشەلەردىڭ ماڭىزدى ءۇش دارەجەسى بويىنشا جۇزەگە اسىرىلادى: قالالىق ماڭىزى بار كوشەلەر (باس كوشەلەر)، اۋداندىق ماڭىزى بار كوشەلەر جانە جەرگىلىكتى ماڭىزداعى كوشەلەر. وسىعان سايكەس، قالا كوشەلەرىندە كۇنىنە كەمىندە ەكى رەت، اۋدان كوشەلەرىندە كۇنىنە ءبىر رەت جانە جەرگىلىكتى كوشەلەردە اپتاسىنا كەمىندە ءبىر رەت تازالىق جۇمىستارى جۇرگىزىلۋدە. ءبىراق بۇل جولشىلار مۇنىمەن شەكتەلەدى دەگەندى بىلدىرمەيدى، جاعداي مەن اۋا رايىنا بايلانىستى كولىك قوزعالىسىن ۇزدىكسىز قامتاماسىز ەتۋ بويىنشا جۇمىستار جۇرگىزىلۋدە»، - دەدى د.اشكەنوۆ.
ماسەلەن، جازدا 1000-نان استام ارنايى تەحنيكا كومەگىمەن الماتى قالاسىنىڭ كوشەلەرىنەن 90 توننادان استام قوقىس شىعارىلادى، قىستا قار شىعارىلىپ، كوكتايعاقپەن كۇرەسەدى.
«جولدى كۇتىپ ۇستاۋ» ۇعىمى قىستا جولدى قاردان تازارتۋدان باستاپ، مۇزدان قۇم-تۇز قوسپاسىن سەبۋگە دەيىن جانە ت.ب. جول جۇمىسىنىڭ كەڭ اۋقىمىن قامتيدى.
«الماتى تازالىق» كاسىپورنى 100 پايىز دايىن. پوليسيا دەپارتامەنتىمەن بىرلەسە وتىرىپ، قاردان تازارتۋ كەزىندە قوزعالىس سىزبالارى پىسىقتالۋدا.
«العاشقى قار دايىندىقتىڭ ءساتتى وتكەنىن كورسەتتى، نەگىزگى تاپسىرمالاردى مەردىگەرلەر ورىندادى»، - دەپ قوستى وكق سپيكەرى.
الماتى قالالىق كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى دۋلات اشكەنوۆ جول تازالاۋشى جۇمىسشىلارعا ۇلكەن جاۋاپكەرشىلىك جۇكتەلەتىن جۇمىستىڭ شەشۋشى كەزەڭىنە اياق باسىپ وتىرعاندارىن اتاپ ءوتتى.
«ول ءۇشىن كۇز ماۋسىمى اياقتالعاننان بەرى وتكەن بىرنەشە ايدىڭ ىشىندە ءبىز وسى جاۋاپتى كەزەڭگە دايىندالۋ ماقساتىندا ءوز جۇمىسىمىزدى جوسپارلاپ جاتىرمىز»، - دەدى ول.