الماتىدا اباي الاڭى مەن تۇڭعىش پرەزيدەنت ساياباعىندا قۋىرشاقتار شەرۋى ءوتتى. ەرتەگى كەيىپكەرلەرى قالا كۇنىن مەرەكەلەۋگە كەلگەن ازاماتتاردى تاڭقالدىردى. اسىرەسە، بالاقايلار جارىسا سۋرەتكە ءتۇسىپ، قۋانىشقا بولەندى.
مەرەكە اياسىندا الماتى مەملەكەتتىك قۋىرشاق تەاترىنىڭ بويتۇمارى بولىپ تابىلاتىن «قۋىرشاق دۋمان» اتتى ەرەكشە كونسەرتتىك قويىلىم كوپشىلىك نازارىنا ۇسىنىلدى. قويىلىمدا روزا باعلانوۆا، مايكل دجەكسون جانە فاررۋح زاكيروۆ سىندى تانىمال تۇلعالاردىڭ بەينەسىندەگى قۋىرشاقتاردىڭ ونەر كورسەتىپ، حالىقتى تامساندىردى.
سونىمەن قاتار، نەگىزگى مەرەكەلىك ورىنداردا قۋىرشاق جاساۋ شەبەرلەرىنىڭ قاتىسۋىمەن «ونەر بەسىگى – الماتى» اتتى قۋىرشاق جاساۋ جانە باسقارۋ بويىنشا تانىمدىق شەبەرلىك ساعاتتار وتكىزىلدى.
