مۋرالعا ارنالعان تاقىرىپ كەزدەيسوق تاڭدالماعان.
الماتىدا كوپ قاباتتى تۇرعىن ۇيلەردىڭ بىرىنە قۇتقارۋشىلاردىڭ قۇرمەتىنە مۋرال سالىندى، دەپ حابارلايدى Almaty-akshamy.kz تجد باسپا ءسوز قىزمەتىنە سىلتەمە جاساپ.
ارت-نىسان «اينابۇلاق» شاعىناۋدانىنداعى توعىز قاباتتى ءۇيدىڭ قاسبەتىندە پايدا بولدى. توتەنشە جاعدايلار دەپارتامەنتىنىڭ مالىمەتىنشە، مۋرالعا ارنالعان تاقىرىپ كەزدەيسوق تاڭدالماعان. قۇتقارۋشىلار ءارقاشان الدىڭعى قاتاردا، ءوز ومىرلەرىن قاتەرگە تىگەدى. سوندىقتان دا ەل قۇرمەتىنە بولەنگەن ماماندىق. قابىرعادا كىشكەنتاي قىزدى جالىننان الىپ شىققان ءورت ءسوندىرۋشى – قۇتقارۋشى بەينەلەنگەن.
«ايتا كەتۋ كەرەك، ۇقساس بەينەلەر، مۇسىندەر - توتەنشە جاعدايلاردى جويۋعا دا، ولاردىڭ الدىن الۋعا دا قاتىسقان بارلىق قۇتقارۋشىلاردىڭ ۇجىمدىق بەينەسى»،- دەپ حابارلادى تجد باسپا ءسوز قىزمەتىنەن.
«مۋرالدى الىستان كورۋگە بولادى، وندا تەك ءورت ءسوندىرۋشىنىڭ بەينەسى عانا ەمەس سونىمەن قاتار تج بولعان جاعدايدا حابارلاسۋ قاجەت – «112» نومەرى بەينەلەنگەن. مۋرالدىڭ ماقساتى- تۇرعىنداردىڭ نازارىن ءورت قاۋىپسىزدىگى ەرەجەلەرىن ساقتاۋعا شاقىرۋ»، - دەپ اتاپ ءوتتى جەتىسۋ تجب باستىعى ارمان ماكەنوۆ.
تاقىرىپتىق مۋرال حالىق اراسىندا ورت-پروفيلاكتيكالىق جۇمىس اياسىندا جەتىسۋ اۋدانى اكىمى اپپاراتىنىڭ قولداۋىمەن جانە اۋداندىق توتەنشە جاعدايلار باسقارماسىمەن بىرلەسىپ سالىندى.