الماتىدا قۇرمانعازى شىعارماشىلىعىنا ارنالعان ادەبي-مۋزىكالىق كەش ءوتتى

وقۋشىلار كۇيشىنىڭ شىعارمالارىن ورىندادى

بۇگىن ۇلتتىق كىتاپحانانىڭ ونەر بولىمىندە XIX عاسىرداعى بەلگىلى قازاق مۋزىكانتى، كومپوزيتور، كۇيشى قۇرمانعازى ساعىرباي ۇلىنىڭ شىعارماشىلىعىنا ارنالعان ادەبي-مۋزىكالىق كەش ءوتتى، دەپ حابارلايدى Almaty-akshamy.kz.

ءىس-شارانى ديرەكتوردىڭ كىتاپحانا ءىسى جونىندەگى ورىنباسارى يۋسۋپوۆا اجار حاميت قىزى اشتى.

ق ر ۇلتتىق كىتاپحاناسىنىڭ قورىنا ا.رايىمبەرگەنوۆ، س.رايىمبەرگەنوۆانىڭ «ۆلاستەليتەل كيۋيەۆ كازانگاپ»؛ «كۇي تورەسى قازانعاپ»؛ «قازانعاپ. كۇيلەر. كازانگاپ. كيۋي» جاڭا كىتاپتارىنىڭ دانالارى سىيعا تارتىلدى. سونداي-اق، اۆتورلار-ا.جايىموۆ، ب. ىسقاقوۆ، ق. ساحاربايەۆا، ا. جايىمنىڭ «دومبىرا سازى» كىتابى.

كەش قوناقتارى قاتارىندا قازاقستاننىڭ ەڭبەك سىڭىرگەن ونەر قايراتكەرى، پروفەسسور ساحاربايەۆا كاريما؛ قازاقستاننىڭ ەڭبەك سىڭىرگەن ونەر قايراتكەرى، مۋزىكانت، كۇيشى-دومبىراشى، كومپوزيتور ابىلتايەۆ شاميل؛ قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتتەرى، مۋزىكالىق كوللەدجدەر مەن مەكتەپتەردىڭ وقۋشىلارى، كىتاپحانا وقىرماندارى جانە تاعى باسقالارى قاتىستى.

كەشتىڭ مودەراتورى بەلگىلى كۇيشى، ونەرتانۋ عىلىمىنىڭ كانديداتى، قۇرمانعازى اتىنداعى قازاق ۇلتتىق كونسەرۆاتورياسىنىڭ دوسەنتى، «مۇراگەر» باعدارلاماسىنىڭ اۆتورى، «كوكىل» تۇڭعىش جەكەمەنشىك مەكتەبىنىڭ ديرەكتورى – ابدۋلحاميت رايىمبەرگەنوۆ بولدى.

ادەبي-مۋزىكالىق كەشتى پروفەسسور ساحاربايەۆا كاريما، كومپوزيتور ابىلتايەۆ شاميل وتكىزدى.

قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتتەرى، كۇلاش بايسەيىتوۆا اتىنداعى مۋزىكا مەكتەبىنىڭ، ع. مۇسىرەپوۆ اتىنداعى № 86 مەكتەپ-گيمنازياسىنىڭ، № 46 مەكتەپ-گيمنازياسىنىڭ وقۋشىلارى قۇرمانعازىنىڭ شىعارمالارىن ورىندادى.