الماتىدا قۇلجا تاس جولىن رەكونسترۋكسيالاۋ جۇمىستارى باستالدى. رەكونسترۋكسيالاۋ بارىسىندا رىسقۇلوۆ داڭعىلىنان بۇقتىرما كوشەسىنە دەيىنگى ۋچاسكە كەڭەيتىلىپ، جولدىڭ وتكىزۋ قابىلەتى ەكى ەسەگە ارتتىرىلادى، دەپ حابارلايدى almaty-akshamy.kz
جوسپارلانعان جۇمىس
جولدىڭ جالپى ۇزىندىعى 2،3 كم قۇرايتىن بۇل ۋچاسكەسىندە رەكونسترۋكسيالاۋ جۇمىستارى جۇرگىزىلەدى. جولدى 4 جولاعى باردان 6 جولاعى بارعا دەيىن كەڭەيتۋ جوسپارلانعان، ءار باعىتتا 3 جولاق سالىنادى. بۇل شارا اۋماقتىڭ وتكىزۋ قابىلەتىن تاۋلىگىنە 40 مىڭ اۆتوكولىكتەن 80 مىڭعا دەيىن ارتتىرۋعا مۇمكىندىك بەرەدى.
سونىمەن قاتار، جول جيەگىنە توسقاۋىل قورشاۋلار، جارىقتاندىرۋ جانە سۋ بۇرۋ جۇيەلەرى ورناتىلادى. جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ ءۇشىن ەكى جاعىنان ەنى 2-دەن 3 مەترگە دەيىن تروتۋارلار جابدىقتالادى.
جۇمىس قالاي جۇرگىزىلەدءى
جولدى قايتا جاڭارتۋ جۇمىستارى ءۇش كەزەڭگە بولىنگەن. ءبىرىنشى كەزەڭدە جولدىڭ باتىس جاعى، ەكىنشى كەزەڭدە ورتالىق بولىگى، ال ءۇشىنشى كەزەڭدە شىعىس جاعى جوندەلەدى. ءاربىر كەزەڭدە ەكى باعىتتا دا قوزعالىس شەكتەلمەيدى، بۇل كولىك قوزعالىسىنىڭ ۇزدىكسىزدىگىن قامتاماسىز ەتەدى.
رەكونسترۋكسيا قاشان اياقتالادى
رەكونسترۋكسيا جۇمىسىنداعى ءاربىر ۋچاسكەنىڭ ۇزاقتىعى شامامەن ءبىر ايعا سوزىلادى. جولدىڭ تولىق ەنى بويىنشا تاڭبالاۋ جانە بەلگىلەر ورناتۋ ارقىلى قوزعالىستى وسى جىلدىڭ 25 تامىزىنا دەيىن اشۋ جوسپارلانعان.
جۇمىستىڭ ارالىق قورىتىندىلارى مەن قوسىمشا اقپاراتتاردى جول ينفراقۇرىلىمىنا ارنالعان @AlmatyJoly Telegram ارناسىندا جانە Almaty.kz سايتىندا جاريالاناتىن بولادى.
