الماتىدا رىسقۇلوۆ داڭعىلىنان بۇقتىرما كوشەسىنە دەيىن قۇلجا كۇرە جولىن جاڭارتۋ جۇمىستارى جالعاسىپ وتىر. بۇل جۇمىس اياسىندا جولدىڭ بولىگىن 4-تەن 6 جولاققا دەيىن كەڭەيتۋ كوزدەلگەن.
جۇمىس كەزىندە ۋچاسكەدە ەكى باعىت بويىنشا ەكى باعىتتى قوزعالىس بولدى. الايدا شىلدەدەگى جاڭبىرلى اۋا-رايىنا بايلانىستى جۇمىس كەستەسى بۇزىلدى. وسىعان بايلانىستى، جول بويىنداعى جۇمىستار تامىز ايىنىڭ سوڭىنا دەيىن اياقتاۋ ماقساتىندا تۇنگى ۋاقىتتا قوسىمشا قوزعالىسقا شەكتەۋ ەنگىزىلەدى.
17 تامىزدان 22 تامىزعا دەيىن قوزعالىس تۇنگى ۋاقىتتا بۇقتىرما كوشەسىنەن رىسقۇلوۆ داڭعىلىنا دەيىنگى ۋچاسكەدە (قالاعا قاراي) جابىلادى.
بۇقتىرما جانە مايلين كوشەلەرىمەن سولتۇستىك باعىتتا اينالىپ وتۋگە بولادى. ال وڭتۇستىك باعىتتا بۇقتىرما جانە تالعار تاس جولى ارقىلى جۇرۋگە رۇقسات.
ەستەرىڭىزگە سالا كەتەيىك، جوبا اياسىندا جالپى ۇزىندىعى 2،3 كم بولاتىن جولدى قايتا جاڭارتۋ كوزدەلگەن. ءبولۋ جولاعىن جويۋ جانە جول بولىگىن كەڭەيتۋ ارقىلى ءار باعىتتا 3 جولاقتان تۇراتىن جول سالىنادى.
سونىمەن قاتار، جول جيەكتەرىندە توسقاۋىل قورشاۋىن، جولدى جارىقتاندىرۋ جانە سۋ بۇرۋ تىرەكتەرىن ورناتۋ قاراستىرىلعان. جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ ءۇشىن ەكى جاعىنان ەنى 2-دەن 3 مەترگە دەيىنگى تروتۋار جابدىقتالادى.
