قازاقستاندا كۇشپەن ۇستالعان وزبەكستاننىڭ 10 ازاماتى ەلىنە قايتارىلدى، دەپ حابارلايدى Almaty-akshamy.kz وزبەكستان ءسىم-نىڭ باسپا ءسوز قىزمەتىنە سىلتەمە جاساپ.
كورشى ەلدىڭ الماتىداعى باس كونسۋلدىعىنا 3 ادام حابارلاسىپ، وزدەرىن جەرگىلىكتى تۇرعىندار قورقىتىپ، جەكە زاتتارى مەن ۇيالى تەلەفوندارىن تارتىپ الىپ، جەكە ۇيدە ۇستاعانىن ايتقان.
«باس كونسۋلدىق قىزمەتكەرلەرى الماتى قالاسى قۇقىق قورعاۋ ورگاندارىنىڭ وكىلدەرىمەن بىرگە وزبەكستان ازاماتتارى ورنالاسقان جەرگە باردى. سودان كەيىن ولار بوستاندىق اۋدانىنىڭ پوليسيا باسقارماسىنا جەتكىزىلدى»، - دەلىنگەن حابارلامادا.
قازاقستان قىلمىستىق كودەكسىنىڭ 389-بابى بويىنشا قىلمىستىق ءىس قوزعالدى.
وسىلايشا وزبەكستاننىڭ 10 ازاماتى قوناقۇيگە ورنالاستىرىلىپ، پاسپورتى مەن جەكە زاتتارى قايتارىلىپ، الماتى-تاشكەنت باعىتى بويىنشا ۇيلەرىنە جونەلتىلدى. بارلىعى وزبەكستانعا امان-ەسەن جەتىپ العان.