جارمەڭكەگە كەلۋشىلەر قازاقستاندىق شەبەرلەر، قولونەرشىلەر مەن سۋرەتشىلەردىڭ قولىنان شىققان بۇيىمداردى تاماشالاپ، ساتىپ الا الادى.
دەمالىس كۇندەرى (30 قازان مەن 31 قازان ارالىعىندا) الماتىدا جىبەك جولى داڭعىلى بويىندا جەلتوقسان مەن ناۋرىزباي باتىر كوشەلەرىنىڭ اراسىندا (اۋە ۆوكزالىنىڭ ماڭى) قولونەر جارمەڭكەسى وتەدى، دەپ حابارلايدى اlmaty-akshamy.kz Almaty.tv ارناسىنا سىلتەمە جاساپ.
جارمەڭكەدە قازاقستاندىق قولونەرشىلەر مەن سۋرەتشىلەر بىرەگەي تۋىندىلارى مەن تاۋارلارىن ۇسىنادى.
الماتىلىقتار مەن قالا قوناقتارى جىلى ءارى ەكسكليۋزيۆتى زاتتاردى ساتىپ الا الادى. اۋماقتا بالالار مەن ەرەسەكتەرگە ارنالعان كيىز ءۇي ورناتىلادى.
«كيىز ءۇيدىڭ ىشىنە كىرىپ، قابىرعالارىن ۇستاپ كورە الاسىز، اشەكەيلەۋدىڭ ەگجەي-تەگجەيلەرىن زەرتتەي الاسىز، شاڭىراق ارقىلى اسپانعا قاراي الاسىز، ەستە ساقتاۋ ءۇشىن سۋرەتكە تۇسە الاسىز. ءوزىڭىز كەلىڭىز، دوستارىڭىز بەن تانىستارىڭىزدى شاقىرىڭىز، جاقىندارىڭىز بەن قالامىزدىڭ قوناقتارىنا دا جارمەڭكە تۋرالى ايتىڭىز. جارمەڭكەنى الماتىنىڭ قولونەر پالاتاسى وتكىزەدى»، - دەيدى ۇيىمداستىرۋشىلار.
