الماتى قالالىق توتەنشە جاعدايلار دەپارتامەنتىنىڭ مالىمەتىنشە، 14 قاڭتار كۇنى ساعات 20:25-تە ءورت ءسوندىرۋ بولىمشەلەرى المالى اۋدانى، اۋەزوۆ كوشەسى، 2/8 ا مەكەنجايىنا شاقىرتۋعا شىقتى.
العاشقى ءورت ءسوندىرۋ بولىمشەلەرى كەلگەن ساتتە قۇرىلىس ماتەريالدارى جانە لاك-بوياۋ ونىمدەرى بار قويمانىڭ 500-دەن استام شارشى مەتر اۋماعى جانىپ جاتقانىن انىقتادى.
«ءورتتىڭ كورشىلەس ورنالاسقان قويمالارعا تارالۋ ءقاۋپى تۋىندادى. ءورتتى ءسوندىرۋ جۇمىستارىن قويماداعى تەز جانعىش زاتتار (بيتۋم، لاك-بوياۋ) قيىنداتتى. دەرەۋ جەدەل شتاب پەن ءۇش ءورت ءسوندىرۋ ۋچاسكەسى قۇرىلىپ، نەگىزگى باسىم مىندەتتەر ايقىندالدى. ونى ءسوندىرۋ بارىسىندا قىزىپ تۇرعان تەمىر قويمادان ءقاۋىپسىز جەرگە 3 وتتەگى جانە 4 گاز باللونى شىعارىلدى»،- دەپ حابارلادى قالالىق تجد-دان.
سۋرەت: الماتى تجد
ءورت تۇنگى 22:34-تە وقشاۋلانىپ، 22:50-دە تولىق ءسوندىرىلدى. وعان 21 بىرلىك تەحنيكا مەن 100-دەن استام ادام جۇمىلدىرىلدى. وتتىڭ شىعۋ سەبەبى انىقتالىپ جاتىر. قازا بولعاندار مەن زارداپ شەككەندەر جوق.