كۇدىكتى قامالدى.
الماتىدا قوعامدىق كولىكتە ۇرلىق جاساپ جۇرگەن جىگىت ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ايالدامادا ۇرلىق جاساعان 19 جاستاعى كۇدىكتى قولعا ءتۇستى.
«قاسكويدىڭ ولجاسى Samsung تەلەفونى بولدى. ونى كۇدىكتى ەر ادامنىڭ كۇرتەسىنىڭ قالتاسىنان شىعارىپ الىپ، وعان 40 مىڭ تەڭگە ماتەريالدىق شىعىن كەلتىرگەن. بەلگىلى بولعانداي، قاسكۇنەم ايالداما كەشەندەرى مەن قوعامدىق كولىكتەردە «قاربالاس ۋاقىتتا» ۇرلىق جاساپ جۇرگەن. قوعامدىق كولىكتىڭ ءبىر باسىنان ەكىنشى شەتىنە دەيىن جولاۋشىلاردىڭ قالتاسىن تەكسەرگەن. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىگە قاماۋعا الۋ تۇرىندەگى بۇلتارتپاۋ شاراسى سانكسيالاندى. سونىمەن قاتار، كۇدىكتىنىڭ قالانىڭ باسقا دا جەرلەرىندە وسىعان ۇقساس باسقا دا قىلمىستاردى جاساۋعا قاتىسى بار-جوعى تەكسەرىلىپ جاتىر»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.