مونيتورينگتىك توپتاردىڭ جۇمىسى كۇشەيتىلدى.
الماتىدا كوروناۆيرۋستىق ينفەكسيانىڭ تارالۋىنا جول بەرمەۋ ماقساتىندا تەگىن ۆاكسينا ارقىلى ازاماتتار اراسىندا ۇجىمدىق يممۋنيتەتتى قالىپتاستىرۋ اياقتالعانعا دەيىن كارانتيندىك شەكتەۋلەردىڭ ساقتالۋىن قامتاماسىز ەتۋ بويىنشا شارالار قابىلدانۋدا، دەپ حابارلايدى Almaty-akshamy.kz.
جۇقتىرۋدىڭ ىقتيمال ورىندارىنىڭ اراسىندا (ساۋدا نىساندارى مەن بازارلارمەن قاتار) قوعامدىق كولىكتە قاتىناۋ 16%-دى كورسەتتى. وسى سەگمەنتتە ارنايى مونيتورينگتىك توپتاردىڭ جۇمىسى كۇشەيتىلدى.
بۇگىن قالانىڭ بارلىق اۋداندارىندا ساعات 07.00-دەن باستاپ الماتى قالاسىنىڭ مونيتورينگتىك توپتارىنىڭ وكىلدەرى قوعامدىق كولىك پەن اۆتوبۋس ايالدامالارىن تەكسەرۋدە. تەكسەرۋشىلەر جولاۋشىلاردى جانە اۆتوبۋس پەن تروللەيبۋس جۇرگىزۋشىلەرى بەتپەردە تاعىپ جۇرگەندەرىن قاداعالايدى، قالا تۇرعىندارىمەن تۇسىندىرمە جۇمىستارىن جۇرگىزەدى.
تەكسەرۋشىلەردىڭ ايتۋىنشا، الماتى اۋماعى ارقىلى جۇرەتىن 100-دەن استام اۆتوبۋسقا مونيتورينگ جۇرگىزىلدى. مونيتورينگ توپتارى كارانتين تالاپتارى بۇزىلعان ءبىرقاتار اۆتوبۋس مارشرۋتتارىن اتادى. ولاردىڭ ىشىندە: 1، 98، 32، 123، 79 11، 9، 45، 22، 135، 105، 201، 7، 126، 60، 114، 25، 5، 5ب، 29، 65، 37، 205، 224، 20، 148، 38، 62، 210 باعىتتارىنداعى قوعامدىق كولىكتەر بار.
«قالادا كوروناۆيرۋس جۇقتىرعاندار سانى ءوستى. ۇيدە جانە قوعامدىق كولىكتە جۇقتىرۋ ءقاۋپى جوعارى. سوندىقتان كارانتين كەزىندە جولاۋشىلار بەتپەردە رەجيمىن ساقتاۋى كەرەك»، – دەپ ءتۇسىندىردى تەكسەرۋشىلەر.
كۇننىڭ ءبىرىنشى جارتىسىندا 14 جەكە تۇلعاعا قاتىستى ق ر اكىمشىلىك كودەكسىنىڭ 425-بابى 1-بولىگى بويىنشا اكىمشىلىك حاتتامالار جاسالدى. بەتپەردە رەجيمىن بۇزعانى ءۇشىن اكىمشىلىك جاۋاپكەرشىلىككە تارتىلادى.
الماتىدا COVID-19 جاعدايى كۇردەلى كۇيىندە قالىپ وتىر. وتكەن تاۋلىكتە مەگاپوليستە ەپيدەميولوگتاردىڭ مالىمەتتەرى بويىنشا كۆي جۇقتىرۋدىڭ 1369 جاعدايى تىركەلگەن، كارانتيندىك شەكتەۋلەردى قاتاڭ ساقتاۋ قاجەت. بەتپەردە تاعۋ باسقالارعا اۋرۋ جۇقتىرۋ قاۋپىنەن قورعايدى ءارى ينفەكسيانىڭ تارالۋىن ازايتادى. سونداي-اق ەسكە سالساق، كوروناۆيرۋستىق ينفەكسيامەن كۇرەسۋدىڭ جالعىز ءادىسى - ۆاكسينا سالۋ الماتىدا 212 ەكپە پۋنكتىنىڭ بازاسىندا تەگىن جۇرگىزىلەدى.